Ululahu Timoti 5:13 - Buka Blahi Ka Cheke Holo

¹³ Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Ululahu Timoti 5:13 Referans Kwoze

Proveb 20:19

Naikno te khuru cheke buiburi fara na, goigoni ni keha naikno na. Iagho thosei tei namo ka nafnata naikno igne.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Proveb 31:27

Leuleghu fata na naꞌa rugusi kolho, eghuteuna naꞌa reireghi fakelini tharaknagna na.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Mae Khuru 20:20

Ghotilo lasenihi te toutonuni iara ka ghotilo u Nonomho te Keli gne, eghuteuna iara farirhiu ghami ghotilo farihotei glalaba ka namono biꞌo ba ka sugami ghotilo ra. Kate eni gloku igne, iara theome ghatho peapea te chekeni ka ghotilo glepo te mala togho ghami ghotilo na.

Luku 10:7

Ghotilo au kmu ka sugadi naikno teke hata pharikeli tuana. Eghuteuna ghotilo ima nei koꞌu eghu unha te tusu ranghi ghami naiknore, naugna mae ihei te loku na, mana nabagna te hata nogna taba na. Thosei leuleghu suga.

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Ululahu Pita 4:15

Theome keli kaisei naikno ka ghotilo te au papara eigna falehe naikno, blau, huhughu vetula, ba fadiꞌani nogna gloku ihei.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Proveb 7:11

Gaꞌase igne theome au snoto ka nogna suga na, naꞌa theome mhaghu, nei theome mamaja.

Proveb 11:13

Iagho thosei fatutuanini ihei te toutonu tafri na. Nu iagho fatutuanini kolho ihei te au kmu na.

Ululahu Timoti 5:12

Eghuteuna God ginauna fatedi thau majaghani igre eghu, naugna rehati ne theome leghuni nodi nhaꞌa cheke teke eni thedi ka Kraes na.