Ululahu Timoti 4:15 - Buka Blahi Ka Cheke Holo

¹⁵ Edi fabrahu glepo igre. Eghuteuna naikno te gnafare tangomana te filoni nakarhamu iagho ka Kraes na bruara fara.

Ululahu Timoti 4:15 Referans Kwoze

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Nodi Khoje Hatimare Mae Jiu 119:148

Bongi thongana na iara theome thuru, iara ghathodi kolho nou nhaꞌa cheke iagho ra.

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Nodi Khoje Hatimare Mae Jiu 119:48

Iara ghatho tahudi fara nou cheke iagho re te thono magnahaghedi fara iara te leghudire. Eghuteuna iara ginauna ghathodi fara nou farirhiu iagho re.

Nodi Khoje Hatimare Mae Jiu 119:15

Leuleghu fata na iara hirodi koba u gaoghathodi nou cheke iagho re, nei leghudi fabrahu eghu nou farirhiu iagho re.

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Nodi Khoje Hatimare Mae Jiu 49:3

Cheke nate chekedi iara igre thofno gaoghatho keli fara. Eghume cheke nate jifla mei ka gaoghathogu iara igre na tusu ari glalase ka ghotilo.

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Ululahu Korin 16:15

Ghotilo lasenihi tharaknagna mae Stefanas ia. Mare ngala teke kulu fatutuani ni Kraes na ka Provins Akaia, eghuteuna mare loku fabrahu mala toghodi nogna naikno God re. Kheraguro, iara tore ghami mala leghudi naikno te baubatu ghami igre, baludila iheire te loku ka gloku blahi igne.

Nodi Khoje Hatimare Mae Jiu 119:23

Mae biꞌo gre ba mae funei, mare gnokro fodu te mala rogheni te mala falehe ghau iara na. Nu neuba ngau, iara nou mae gloku iagho. Iara ginauna leghuni fabrahu nou vetula iagho na.

Nodi Khoje Hatimare Mae Jiu 77:12

Iara ginauna ghathodi fara glepo te keli te gnafa nei glepo biꞌo te gnafa eghu teke edi iagho ra.

Nodi Khoje Hatimare Mae Jiu 63:6

Kate thuru na, iara ghatho nigho iagho kolho, funu grafi te posa hamerane na.

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Fapea Korin 4:14

Ghehati laseni God na neke fakarha fapuloni noda Lord Jisas Kraes. Eghuteuna mana ginauna nake fakarha fapulo ghami ghehati jateula mae Jisas eghu. Eghuteuna mana ginauna hata ghami ghehati tei balumi ghotilo ka thofno namono gna mana na. Tahati ginauna kegra fodu ke ulugna mana jare.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Ululahu Timoti 4:16

Iagho reireghi fakelini nakarhamu themu na baludi farirhiu te edi iagho ra mala doglo fabrahu. Jame te eni iagho igne na, iagho ginauna fakarhi nigho themu baludi naikno te nomhi nigho are.

Naba 8:26

Eghuteuna mae ihei te theome loku ba pala glepo te tahu teuna, nu mana tangomana teke toghodi keha kheragnare mala reireghini vido blahi tuana kolho. Tugne ngala unha te mala leghuni mae Livaet gre ka nodi gloku na.”