Ululahu Timoti 3:15 - Buka Blahi Ka Cheke Holo

¹⁵ Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Ululahu Timoti 3:15 Referans Kwoze

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Ululahu Kronikols 22:13

Ghema Solomon! Jame leghudi iagho vetula nei farirhiu eghu teke tusu lao Lord ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Letas Teke Riso Tei Mae Pol Ka Khiloau Rom 9:26

“Eghuteuna ka kaisei namono na iara neke cheke eghu ka mare, ‘Ghotilo theome nogu naikno iara.’ Uve, ka namono tuana iara ginauna na cheke eghu ka mare, ‘Ghotilo thugu iara, God mae ihei te karha te tifa.’ ”

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Matiu 18:18

“Tutuani fara, te chekeni iara ka ghotilo na, unha te theome snakreni ghotilo kau nauthoglu igne na, God ginauna theome snakre nila kligna na. Nu unha te snakreni ghotilo kau nauthoglu igne na, God ginauna snakre nila kligna na.

Ululahu Kings 2:2

“Nogu narane iara te mala lehe na la namohi, iagho kegra heta jateula nalhaꞌu eghu.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Thakle 7:2

Aonu iara ne filoni kaisei engel ne thakle mei ke maghati. Mana louloku kaisei glepo te mala eni fagaglana ne lilisei ka greredi nogna naikno God re. Engel igne ne eha fabiꞌo ka keha fati engel re. God neke tusu lao nolaghi ka fati engel igre mala goigonidi glose nei nhorora.

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Efesus 4:21

Ghotilo neke thofno nomhinihi eigna mae Jisas Kraes, eghuteuna ghehati neke farirhiu ghami ghotilo unha te tutuani na.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Profet Jeremaea 23:36

Nu ghotilo thosei cheke eghu, ‘Igne chekegna Lord.’ Naugna jame te cheke eghu mae igne na, iara ginauna nake figri nogu cheke na mala kaisei mae mala pala tahu mana. Nafnata naikno igne tuthughu kolho chekegna God mae ihei te karha te tifa na, Lord mae ihei te au nolaghi fateote'o.

Profet Jeremaea 1:18

Iara ginauna farerheta nigho iagho jateula namono te bara te ligoho ka thina, ba jateula kaisei khegra aean eghu. Uve, iagho ginauna kegra heta tutuani fara jateula gringni teke horo ka bras eghu ke uludi hatimare mae king, hatimare mae funei, hatimare mae pris, nei naiknodi Juda.

Nodi Khoje Hatimare Mae Jiu 84:2

Iara magnahagheni fara te au jare na! Lord God, iara thono magnahagheni fara te au ke lamnagna nou Sugablahi iagho na. Iagho ngala God mae ihei te karha tifa te tifa na. Ka nakarhagu fateote'o na, iara koje naugna iara thofno glealeꞌa fara ka iagho.

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Fapea Timoti 2:20

Keha tapera te au ka suga biꞌo na mare horo ka gol ba silva, eghuteuna keha tapera re mare horo ka gaju ba glose. Kehare maladi narane te ulu, eghuteuna kehare maladi fiti narane kolho.

Ululahu Timoti 3:5

Eigna jame kaisei mae te theome baubatu fakelini tharaknagna na, mana ginauna theome tangomana te baubatu fakelini la nogna khiloau God na.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Fapea Korin 3:3

Eghuteuna naiknore thofno laseni igne, ghotilo jateula letas teke risoni Kraes hata teke ari ghehati ia eghu. Letas igne Kraes neke theome rioriso ka ink, nu ka Tharunga gna God mae ihei te karha te tifa teke rioriso na. Eghuteuna mana neke theome rioriso ke kligna thina te tataba, nu neke rioriso ke lamna nagnafami ghotilo re.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Ululahu Korin 10:32

Thosei eni kaisei puhi te mala roꞌeni nodi fatutuani keha naiknore, neubane mae Jiu, ba mae te theome Jiu, ba naikno khiloau.

Ululahu Timoti 3:14

Kate risoni letas igne, iara gaoghathogu na magnahaghei te ari filo nigho thogheiro.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Hibru 10:21

Mae Jisas Kraes ngala mae pris biꞌo te mala reireghidi nogna naikno God re.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.