Ululahu Timoti 3:13 - Buka Blahi Ka Cheke Holo

¹³ Ihei te loku fakeli ka gloku blahi igne na keha naikno khiloaure ginauna ghatho tahuni mana, eghuteuna mana ginauna tangomana te au heta mala toutonu eigna nogna fatutuani biꞌo ka mae Jisas Kraes.

Ululahu Timoti 3:13 Referans Kwoze

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Ululahu Korin 16:15

Ghotilo lasenihi tharaknagna mae Stefanas ia. Mare ngala teke kulu fatutuani ni Kraes na ka Provins Akaia, eghuteuna mare loku fabrahu mala toghodi nogna naikno God re. Kheraguro, iara tore ghami mala leghudi naikno te baubatu ghami igre, baludila iheire te loku ka gloku blahi igne.

Mae Khuru 21:35

Mare hatani mae Pol ne tei thoke ka glalakogna suga na. Nu mae soldiare ne pala hagheni mae Pol kligna naugna naiknore ne magra fara nei fahuhuju fari thedi. Naikno te mei ke leghure ne eha eghu fabiꞌo, “Faleheni, faleheni!”

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Mae Khuru 6:8

God ne fablahini mae Stivin nei tusu ranghini mana u nolaghi biꞌo mala edi kofubobhoi te biꞌo, nei fagaglana te biꞌo eghu ke lamnadi naiknore.

Mae Khuru 6:5

Naikno te gnafare ne keli tadini u cheke igne. Aonu mare ne vahidi fitu mae igre: mae Stivin, kaisei mae te biꞌo nogna fatutuani na, eghuteuna mae Tharunga te Blahi na au balugna mana. Mae Filip nei mae Prokoras nei mae Nikano nei mae Timon nei mae Pamenas nei mae Nikolas. Mae Nikolas gne kaisei mae gna ka namono Antiok. Tifa na mana neke theome mae Jiu, nu gognaro na mana kela leghuni puhidi mae Jiure.

Luku 19:17

“Mae funei na ne cheke eghu ka mana, ‘Keli fara, iagho mae gloku keli fara! Iara ginauna na vahi nigho iagho mala reireghidi nabotho namono biꞌo, naugna iagho ne loku fakeli ka glepo te ikodi jateula tuana teuna.’

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Ululahu Timoti 3:14

Kate risoni letas igne, iara gaoghathogu na magnahaghei te ari filo nigho thogheiro.