Biblia Todo Logo
Bib sou entènèt

- Piblisite -




Ululahu Timoti 2:15 - Buka Blahi Ka Cheke Holo

15 Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Gade chapit la Kopi




Ululahu Timoti 2:15
14 Referans Kwoze  

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.


Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.


Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.


Eghuteuna iara jaola magnahaghedi gaꞌasera mala pipichi pohe te nabadi, thosei fahaghe kmana nafnata pohe ba phoko te theome raꞌe doglo ka tathagna naikno na. Thosei flehi khakla ba lilisei gol ba buli siasigla ka pha'ure, ba ghathoni te mala pipichi pohe te foli ka sileni te biꞌo fara te mala fakhuakhudadi thedi.


Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.


Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.


Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.


Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”


Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.


Eghuteuna vido ka thinida ne theome glepo biꞌo teu tahati igre, igre ngala te mala thofno filo fakelidi tahati re. Eghuteuna vido te mamajadi tahati igre ngala te mala pipichi fakelidi tahati re.


Swiv nou:

Piblisite


Piblisite