Ululahu Timoti 1:15 - Buka Blahi Ka Cheke Holo

¹⁵ Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Ululahu Timoti 1:15 Referans Kwoze

Nonomho Te Keli Teke Risoi Mae Mak 2:17

Kate nomhini mae Jisas igne, mana ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na. Eghume iara gne theome mei mala kilodi naikno te doglohi ke ulugna God te mala leghu ghau iara, nu iara mei mala kilodi naikno te diꞌa gre mala tughu nagnafa.”

Luku 19:10

Iara mae teke mei funu ka God na mei mala hirodi naikno teke snivi ra mala ke fakarhidi.”

Jone 12:47

“Ihei te nomhidi nogu cheke iara igre, eghuteuna theome leghudi nei theome fatutuani ghau iara teuna, iara na theome fateni mana. Naugna iara theome mei mala fatedi naikno te au ka nauthoglu igne, nu mei mala fakarhidi naikno te au ka nauthoglu igne.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Luku 5:32

Eghume iara gne theome mei mala kilodi naikno te doglohi ke ulugna God te mala leghu ghau iara, nu iara gne mei mala kilodi naikno te diꞌa gre mala tughu nagnafa.”

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Ululahu Korin 15:9

Tutuani, iara ngala leghu lahu ka keha mae khurure. Tutuani, iara theome nabagu te kilo ghau mare mae khuru na naugna iara neke parani nogna khiloau God na.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Ululahu Timoti 4:9

Cheke igne thofno tutuani fara, te keli na naikno te gnafare mala nomhini nei leghuni eghu.

Letas Teke Riso Tei Mae Pol Ka Khiloau Rom 5:6

Ka thofno narane teke vahini God na, Kraes neke lehe mala togho ghita tahati naikno te fodu ka nakhibo. Tutuani, tahati theo noda nolaghi te mala togho ghita theda na.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Ululahu Timoti 3:1

Unha te chekeni iara igne tutuani fara: mae ihei te magnahaghei loku jateula kaisei mae mala baubatu teu ka khiloau na, gloku te keli na te magnahagheni mana igne.

Thakle 22:6

Mae engel na neke cheke eghu ka iara, “Cheke igre tutuani fara, eghume iagho tangomana te fatutuanidi. Lord God mae ihei teke tusu lao nogna cheke na mala rioriso soru hatimare mae profet. Mana jaola neke kuru mei nogna engel na mala falalase ka nogna mae glokure glepo na theome raugha te thakle mei ginauna.”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Fapea Timoti 2:11

Igne kaisei cheke tutuani fara, “Jame te lehe tahati balugna mana na, tahati ginauna jaola karha balugna mana.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Ululahu Jone 5:11

Igne unha te chekeni God ka tahati na: God tusu ranghi ghita karha fei tifa, eghuteuna karha igne mei balugna Thugna.

Ululahu Timoti 1:19

Iara magnahaghe nigho te loku maku fabrahu nou fatutuani ba ka gaoghathomu te keli. Keha naiknore theome eni igne. Eghuteuna nodi fatutuanire la diꞌahi.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 11:1

Hatimare mae khuru nei keha naikno khiloau te au tongana ka Provins Judia, mare ne nomhidi naikno te theome Jiure ne fatutuani ni chekegna God na.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Letas Teke Riso Tei Mae Pol Ka Khiloau Rom 11:14

Iara togho ghami naugna iara magnahaghedi mae kheragu Jiu gre te goghotu na mala tangomana keha ka mare te mei ka God te mala karha na.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Matiu 18:11

Naugna iara mae teke mei funu ka God gne neke mei kau nauthoglu igne mala fakarhidi naikno te snivi te theo tadi thofno nakarha na.