Ululahu Timoti 1:13 - Buka Blahi Ka Cheke Holo

¹³ Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Ululahu Timoti 1:13 Referans Kwoze

Ululahu Pita 2:10

Tifa na ghotilo neke theome nogna naikno God, eghuteuna God neke theome kokhoni ghami ghotilo. Nu gognaro na ghotilo nogna naikno mana eghuteuna mana kokhoni ghami ghotilo fara.

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Mae Khuru 3:17

“Uve, kheraguro, iara lase ghau ghotilo baludi mae biꞌomi ra neke eni igne ranghini mae Jisas ka puhi naꞌiho kolho.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Filipae 3:6

Iara thono keli tagu fara te mala paradi naikno te fatutuani ni mae Jisas Kraes. Iara leghu fakelidi koba nogna vetula mae Moses na.

Galesia 1:13

Ghotilo nomhihi unha teke eni iara tifa kani au teku ka nodi puhi hatimare mae Jiura. Iara neke faheaheta fara mala paradi iheire teke fatutuani ni mae Jisas. Iara neke fariuriu roꞌeni nogna khiloau God na.

Ululahu Korin 15:9

Tutuani, iara ngala leghu lahu ka keha mae khurure. Tutuani, iara theome nabagu te kilo ghau mare mae khuru na naugna iara neke parani nogna khiloau God na.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Mae Khuru 9:1

Mae Sol ne thono magnahaghei fara te mala lalamadi nei falehedi teu naikno te fatutuani ni mae Jisas. Aonu mana ne tei ka mae pris biꞌo na

Luku 12:47

Mae gloku te laseni unha te magnahagheni nogna mae funei na, nu theome tarabana ba theome eni unha te magnahagheni mana teuna, mae funei igne ginauna parani fara mana.

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Levitikas 13:16

Nu jame thubu igne gnafahi, mae igne tei filoni mae pris,