Biblia Todo Logo
Bib sou entènèt

- Piblisite -




Ululahu Samuel 9:9 - Buka Blahi Ka Cheke Holo

9-10 Mae Sol ne cheke eghu, “Keli fara. Tapa na tei ka mae igne mala filoni kaisei mifi.” Mana cheke eghu naugna ka narane igre, naiknore kilodi mae profet gre mae khaekae. Eghuteuna kate magnahaghei laseni unha ka God na, mare tangomana te cheke eghu na, “Tahati na tei ka mae khaekae.” Aonu phiamare ne tei ka namono aheva te au teu mae te mala chekeni chekegna God na.

Gade chapit la Kopi




Ululahu Samuel 9:9
16 Referans Kwoze  

Leuleghu fata na naiknore tangomana te cheke eghu ka nogu mae profet iara igre na, ‘Ghotilo mae profet ra thosei filodi mifi are! Ghotilo mala fakakhana ka ghehati puhi te doglo igne! Ghotilo mala chekeni kolho unha te magnahaghei nomhini ghehati na! Uve, ghehati magnahaghei nomhidi kolho famane chekere.


Amasaea mei ne cheke eghu ka iara, “Iagho mae ihei te lase filodi mifi ra, iagho jifla agne mala ke pulo Juda! Iagho ginauna toutonu ka namono tuana, eghuteuna naiknogna nou namono iagho na ginauna nate foli nigho iagho na.


Thoutonu eidi unha teke edi King Devet funu kate king mana te ghilei lehe na, mare rioriso soru ka buka te kiloi Nogna Thoutonu Profet Samuel, Nogna Thoutonu Profet Natan nei Nogna Thoutonu Profet Gad.


Mae Selomot nei hatimare thabusigna ne fiofilodi keha glepo te keli te au ka Sugagna Lord teke lilisei Profet Samuel, King Sol thugna mae Kis, mae Abna thugna mae Ner, nei mae Joab thugna Seruia.


Lord neke kuru fajifladi nogna mae profet mala tei cheke eghu ranghidi naiknodi Israel nei Juda, “Ghotilo lilisei puhimi te diꞌa re, eghuteuna leghuni nogu cheke iara te au ka nogu vetula iara teke tusu lao iara ka kuꞌemi ghotilo tifa ra, eghuteuna nogu mae gloku iara hatimare mae profet ra neke mei toutonuhi ka ghotilo.”


Ka narane igne, Lord ne cheke eghu ka profet Gad, nogna profet King Devet igne, “Gad, iagho tei filoni king, iara ginauna tusu ranghini mana thilo nabrou, eghuteuna mana na vavahi kaisei ka thilo nabrou igre. Eghuteuna unha nabrou te vahini mana igne, tuana ngala nate thokeni mana na.” Kate dofra haghe king ka keha narane na,


Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.


Kate bukla teu Rebeka na, phei sua nalhaꞌu te au teu ka thi'agna Rebeka na igre neke magra. Aonu Rebeka neke magnahaghei te laseni gaoghathogna igne neke tei ghusna eghu ka Lord, “Lord, naugna unha site magra teu phei sua te au ka thi'agu iara na grea?”


Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.


Ka narane igre, Profet Hanani tei ne filoni King Asa, ne cheke eghu ka mana, “Naugna iagho ne theome fatutuani Lord nou God, nu iagho fatutuanini kolho king gna Siria, eghume iagho ginauna thoke nigho puhi biꞌo naugna nogna armi king gna Siria igne na rikha nigho.


Mare te gnafa teke vahidi mare te mala reireghidi vido igre na, mare thokeni phei gobi nabotho phei mae. Eghuteuna mare rioriso soru nanghadi mae igre ka buka gna nodi vike na leghu nodi namono. Tifa na, King Devet ghe Profet Samuel, phiamare neke vahidi kuꞌedi mare re mala thofno fiofiloni gloku igne.


Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”


Aonu Lord ne cheke ka mae Gad, nogna profet King Devet igne. Mana ne cheke eghu, “Gad, iagho tei filoni king eghuteuna iagho cheke ka mana, iara ginauna parani mana. Thilo nafnata papara tarabanau malagna mana, eghuteuna mana mala vavahi kaisei ka thiloi igre nate mala parani iara mana na.”


Mare ne cheke eghu ka mana, “Ghehati magnahaghei nigho iagho te toreni God jame unha te fariuriu edi ghehati igre ginauna keliu kolho ba theo.”


Jame thini thongana na tatha kolho, thini na theome tangomana te nonomho na. Ba, jame thini thongana na khuli kolho, thini na theome tangomana te gnangho na.


Swiv nou:

Piblisite


Piblisite