Ululahu Samuel 26:13 - Buka Blahi Ka Cheke Holo

¹³ Mae Devet ne tei kasa ka keha phile glogu na ne haghe kegra ka thogele te khaba fara ka mare na.

Ululahu Samuel 26:13 Referans Kwoze

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na

Jajis 9:7

Kate nomhi Jotam eigna igne, mana tei ka thogele Gerisim, eghuteuna mana ne eha eghu fabiꞌo, “Ghotilo naiknomi Sekem! Ghotilo fanomho mei ka iara! Jame te fanomho ghotilo ka iara na, jau God fanomho ka ghotilo.

Ululahu Samuel 26:12

Aonu mae Devet ne atha goru balugna botol khoꞌu teke au rhegna phaꞌugna mae Sol igre ne jifla ne tei. Eghuteuna theo kaisei mae ka mare te filodi phiamare na, ba te laseni glepo igne, naugna Lord na fathuru ihodi fara mare.

Ululahu Samuel 26:14

Mae Devet ne eha eghu fabiꞌo ka mae Abna nei ka nogna armi mae king, “Ghema Abna! Iagho nomhi ghau iara ba theo?” Mae Abna ne eha eghu fabiꞌo, “Iagho mae ihei te eha mei igne, iagho fadofrani king.”