Ululahu Samuel 12:11 - Buka Blahi Ka Cheke Holo

¹¹ Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.

Ululahu Samuel 12:11 Referans Kwoze

Jajis 6:32

Aonu, funu ka narane igne, Joas ne kiloni Gidion, Jerub-Baal, gaoghathogna na, “Snakreni Baal mala tafrani thegna,” naugna Gidion neke paꞌe soru nogna olta Baal tuana.

Jajis 4:6

Kaisei narane, naꞌa ne fatei cheke ka mae Barak, thugna mae Abinoam, jare Kedes ka nogna glose Naftali, mala mei filoni naꞌa. Eghuteuna kate mei thoke mana ka naꞌa na, Debora ne cheke eghu ka Barak, “Lord nodi God naiknodi Israel igne ne cheke eghu ka iagho, ‘Iagho tei kilodi nabotho thogha mae mala magra ka vikedi Naftali ghe Sebulun. Iagho batudi mare tei ka thogele Teboa.

Jajis 6:14

Aonu Lord ne cheke eghu ka mae Gidion, “Iara kuru nigho iagho! Gognarona, iara farheta nigho iagho mala fakarhidi naikno te au ka khamedi vikegna Midian.”

Ululahu Samuel 7:13

Aonu Lord ne toghodi soldia di Israel ne tapla faparini armigna Filistia, eghuteuna armi gna Filistia igne neke theome pulo mei magra ke lamnagna kantri Israel ka narane te kegra funei mae Samuel igre.

Jajis 8:35

Eghuteuna keha na teuna, mare theome keli ranghidi tharaknagna Gidion neuba mana ne edi kmana glepo te keli ranghidi naiknodi Israel.

Jajis 8:29

Ke leghugna tela gnafahi magra na, mae Gidion, keha nanghagna mae Gidion na Jerub-Baal, mana neke pulo ka nogna namono na, mana au neu ka namono ne ghilei kuekuꞌe.

Jajis 6:31

Nu Joas ne cheke eghu ka mare, “Ba, ghotilo magnahaghei te fakarhini Baal? Ghotilo magnahaghei te toghoni mana? Jame kaisei mae fariuriu toghoni Baal, mana ginauna lehe ame hamerane nga eghu. Jame te thofno god tutuani Baal na, snakreni Baal mala tafrani thegna ka mae ihei teke paꞌe soru nogna olta Baal.”

Jajis 7:1

Aonu hamerane boibongi ka keha narane, Gidion balugna nogna armi na kegra haghe ne tei au rhegna glokha khoꞌu Harod. Mare au rhegna thogele Gilead. Eghuteuna armigna Midian na au ka keha phile sare biꞌo ke raru Jesrel, rhegna kaisei thogele te kiloi More. Lord ne cheke eghu ka mae Gidion, “Gidion, nou armi iagho na thono biꞌo fara, iara theome tangomana te atha te salaꞌuni armi gna Midian. Jame te uluni mare magra na, mare gaoghathodi na ne uluni magra na ka nodi nolaghi thedi. Eghuteuna mare ginauna na theome ghatho tahu ghau iara. Iagho na cheke eghu ka nou armi na, ‘Tore! Jame keha mae ka ghotilo mhaghu nodi fara, mare tangomana teke figri ka nodi namono re!’ ” Aonu, kate cheke eghu mae Gidion ka mare igne varadaki phei thogha mae neke figri ka nodi namono re. Nabotho thogha kolho te au balugna mana na.

Ululahu Samuel 3:20

Mare te gnafa ka tharaknagna Israel, te funu ka namono Dan ke maghati te tei posa ka namono Bereseba ke mata na, mare tangomana te mala jateula kaisei nogna profet tutuani teu Lord na.

Fapea Kings 13:5

Aonu Lord ne kuruni kaisei mae lida mala tei fakarhidi ka khamedi mae Siria. Eghuteuna mare neke au fakeli ka nodi namonore jateula teke tifa ra neu.

Ululahu Kronikols 7:17

Mae Ulam gne neke au kaisei thugna nalhaꞌu, mae Bedan. Mare neke vikegna mae Gilead, ka vikegna mae Makia nei ka vikegna mae Manase.