Thoutonu Eigna Rut 4:15 - Buka Blahi Ka Cheke Holo

¹⁵ Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Thoutonu Eigna Rut 4:15 Referans Kwoze

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Profet Isaia 46:4

Uve, iara nomi God ghotilo, eghume, iara ginauna reireghi ghami ghotilo fabrahu ghilei kuekuꞌe nei nufa eghu ghotilo. Iara neke vuavuha ghami ghotilo, eghuteuna iara ginauna reireghi ghami ghotilo. Iara ginauna na jaola togho ghami nei fakarhi ghami eghu ghotilo.

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Ululahu Samuel 1:8

Kate laseni mae Elikana puhi igne, mana ne ghusna eghu ka naꞌa, “Hana, ne faꞌunha sagho te diꞌanagnafa, tanhi nei tirou ghamu teu gnea? Iara gne khetomu iagho, iara thofno keli fara ka iagho salaꞌuni te au iagho nabotho sua na!”

Jenesis 47:12

Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Thoutonu Eigna Rut 4:16

Naomi atha ne pala haghe sua na ne taegoni.

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.