Thakle 7:14 - Buka Blahi Ka Cheke Holo

¹⁴ Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Thakle 7:14 Referans Kwoze

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Hibru 13:12

Mae Jisas jaola neke au papara nei lehe ke kosi namono Jerusalem. Mana neke lehe mala blahi nogna naiknore ka dadaragna thegna.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Matiu 24:21

Naugna ka narane tuana ginauna kmana naikno au papara fara. Ginauna kmana naikno naꞌau papara fara ke tulaodi teke edi tifa ka fufunu gna nauthoglu igne. Eghuteuna ginauna theo kaisei naꞌau papara te biꞌo fara jateula tuana teuna.

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Letas Teke Riso Tei Mae Pol Ka Khiloau Rom 5:3

Eghuteuna tahati jaola gleale'a kate au ke lamnadi hoholo te kmana igre, naugna tahati lasedi hoholo igre togho ghita mala au heta tahati.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Fapea Tesalonika 1:4

Eghume ka keha khiloau gre, ghehati fahaehaghe ghami ghotilo naugna ghotilo kegra maku nei fatutuani fabrahu kate fakokhoana ghami ba para ghami ka kmana puhi biꞌo.

Eksodas 37:3

Mana edi fati ring ka gol, eghuteuna mana fagegefe fati ring igre ka fati ghahedi bokis igre, phei ka phei philere, eghuteuna keha phei re ka keha phile na.

Profet Daniel 7:16

Aonu iara kegra haghe ne tei filoni kaisei engel kegra neu ka vido tuana. Iara ne cheke ka mana mala rurutha ranghi ghau gaoghathodi glepo igre. “Aonu mana ne cheke eghu ka iara,

Profet Daniel 11:35

King ginauna aknu falehe keha ka mae mala baubatu igre, nu God ginauna toghodi naikno te karha teu igre mala koko mare puhi te diꞌare mala doglo ka tathagna mana na. Nafnata puhi igne ginauna na theo ka huigna ghilei thoke mei narane leghu lahu teke vavahi God na.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Nonomho Te Keli Teke Risoi Mae Mak 13:19

Naugna puhi igne ginauna na biꞌo fara, ke uludi puhi teke edi tifa funu ka teke vuvuhagna God nauthoglu igne te posa gognaro gne. Eghuteuna ginauna na theo kaisei puhi jateula la igne teuna.

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thoutonu Eigna Mae Job 11:16

Eghuteuna iagho ginauna ghatho ihodi nou diꞌanagnafa re jateula nabritha te loloro te tei ra eghu.