Thakle 6:5 - Buka Blahi Ka Cheke Holo

⁵ Mae Lam na ne hata koko fatilo loke na. Aonu iara ne nomhini fatilo glepo te karha na ne cheke eghu ka kaisei mae, “Mei sagho!” Iara filo lao ne filoni kaisei hose te pipito ne jifla mei. Eghuteuna mae te saghe ka hose na mana louloku kaisei skel ka khamegna na.

Thakle 6:5 Referans Kwoze

Profet Sekaraea 6:2

Iara filoni chariot ulu lahu na, hose ukru igre te korho na, eghuteuna fapea chariot, hose pipito igre te korho na.

Profet Sekaraea 6:6

Chariot mala magra te korho hose pipito igre ginauna tei ke raru, eghuteuna chariot te korho hose vegha igre ginauna tei fei ke mosu. Eghuteuna chariot te korho hose te doadora vegha nei pipito teu igre, ginauna tei ke mata.”

Profet Esikiel 4:16

Aonu mana ne cheke eghu, “Maegna ka nauthoglu. Iara ginauna lhotini puhi te mala hata gano ka naiknodi Jerusalem gre. Mare ginauna skel kolho ghedi gano nei khoꞌu teu te mala koꞌu na, naugna gano nei khoꞌu teuna theome naba, ka puhi igne mare na diꞌanagnafadi fara nei nanga nodi fara eghu kolho. Naugna mare ne tapla jafra fabrahu ka nakhibo, eghume mare ginauna nhubradi kolho, eghuteuna mare na fififri fara kate filoni mare keha mae na.”

Thakle 6:1

Kate filo teu iara na, mae Lam na ne hata koko loke ulu lahu na ka fitu loke igre. Eghuteuna iara ne nomhini kaisei ka fati glepo te karha igre ne eha fabiꞌo jateula fila neu. Mana ne cheke eghu ka kaisei mae, “Mei sagho!”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Thakle 5:5

Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Levitikas 26:26

Ginauna na thoke mei thofno narane ninhigrana nate theo gano nate rofo ghotilo na, eghuteuna nabotho gaꞌase kolho nate tangomana nate kafe gahu bret ka kaisei biti kolho. Eghuteuna kate tufa ghotilo katha bret kolho, ghotilo ginauna rofo.

Profet Esikiel 4:10

Leuleghu fata na, leuleghu narane tuana la iagho ginauna skel phei gobi gram kolho ka gano igre te mala ghamu na.

Lamentations 5:10

Ghehati fagrutu fara, naugna ghehati rofo ne salaꞌui.

Matiu 24:7

Naiknogna kaisei namono na ginauna kegra haghe magra ka naiknogna keha namono na. Eghuteuna naiknogna kaisei nohi na ginauna kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na.