Thakle 20:2 - Buka Blahi Ka Cheke Holo

^2-3 Aonu, mae engel na ne hata pholi biꞌo na ne haru ka chen biꞌo. Pholi igne, pholi gna tifa, te kiloni tahati mae Satan ba mae funeidi naitu te gnafare. Engel na ne koko soru pholi biꞌo na lamna glave te mamhara fara na ne bibilakhi famaku grengathagna glave na. Pholi biꞌo igne ginauna au fabrahu lamna glave balu chen ghilei thokeni kaisei thogha finogha. Ke lamnadi narane igre mana ginauna theome tangomana te chaichaghidi naikno te gnafa ka nauthoglu igne te mala eni puhi te diꞌa na. Nu ke leghugna te gnafa kaisei thogha finogha na, God ginauna nake snakre fajiflani pholi biꞌo igne katha vido kmoꞌei kolho.

Thakle 20:2 Referans Kwoze

Fapea Pita 2:4

Kate tapla jafra engel re tifa na, God neke kuru teidi Gehena mala au papara mare jare. Mare mala au fabrahu jare ka vido te romno tuana ghilei thokeni narane fate na.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Thakle 12:15

Aonu pholi biꞌo na ne lu'a fajifla khoꞌu ka foflogna na, ne britha jateula khoꞌu biꞌo neu ke leghugna gaꞌase na mala elo naꞌa.

Thakle 12:13

Kate laseni pholi biꞌo te koko soruni mare ka nauthoglu igne, mana ne funu ngolhini gaꞌase teke karha majaghani thugna nalhaꞌu na.

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Thoutonu Eigna Mae Job 1:7

Lord ne ghusna eghu ka mana, “Satan, iagho neke mei funu aheva?” Satan ne cheke eghu, “Iara nolo tafri kolho heva heva ka nauthoglu igne.”

Thakle 13:4

Naiknore ne pogho soru ka pholi biꞌo na naugna mana neke tusu lao nogna nolaghi na ka bosu na. Eghuteuna mare jaola pogho soru ne cheke fakelini bosu na, “Theo kaisei naikno te nheta jateula bosu igne teuna! Jaola theo kaisei naikno te naba te mala magra nei tapla soruni teu bosu tuana!”

Thakle 9:11

Cheche igre au kaisei nodi mae King te mala funei frunidire. Mae igne kaisei mae engel, mana ngala mae biꞌo gna glave te mamhara fara igne. Eghuteuna ka cheke Hibru na, nanghagna engel igne mare kiloni mana, “Abadon”, nei ka cheke Griki na, “Apolion”. Eghuteuna ka cheke tahati na, “Mae mala goigonidi thua lepore.”

Matiu 19:29

Eghuteuna mae ihei te lisei faleghu sugagna, tahigna, greghagna, kmagna, idogna, goro thugna, ba nogna vido glose, te leghu ghau iara na, mana ginauna hata kaisei gobi fata ke uludi gobigna lepo teke lisei faleghu mana igre. Eghuteuna mana ginauna hatini nakarha fei tifa na.

Jenesis 3:1

Lord God neke vuavuha gobigna lepo te gnafa te tautagu ka namhata na igre, eghuteuna jare na theo kaisei glepo ka teke vuavuha mana igre te lalase fara te uluni nogna glalase mogo na, ka puhi te cheke famaemahe na. Kaisei narane mogo na ne mei ghusna eghu ka gaꞌase na, “Ba, God gne neke lhoti ghami ghopa tutuani si te mala thosei ghamu ghopa kaisei sisi gna gaju te au ka nagare ignea?”

Profet Isaia 24:22

Mana ginauna kafe koko sorudi ke lamnagna kaisei khora glave biꞌo, jateula iheire te au ke lamna suga sosolo ra eghu. Eghuteuna mana ginauna botho lokmo diu jare ghilei thokeni narane nate paradi re.

Nonomho Te Keli Teke Risoi Mae Mak 4:15

Keha naiknore jateula igne eghu. Keha fata farirhiu na soru ka nagnafa naikno te jateula nabrou teuna. Eghuteuna mare nomhini chekegna God na, nu mae Satan ghosei mei hata fadelei cheke teke lilisei ke lamnadi.

Thakle 12:3

Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Thakle 20:7

Kate sala'u kaisei thogha finogha igre, mare ginauna nake snakre fajiflani mae Satan ka sosolo.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Profet Esikiel 47:5

Mana neke fafaja keha glima gobi mita, eghuteuna khoꞌu igne haghe ne vuhai kaisei khoꞌu biꞌo, iara te theome tangomana te nolo te kasa tagna na. Naikno na tangomana te apu tagna na, nu theome tangomana te tao kasa tagna na.