Thakle 13:16 - Buka Blahi Ka Cheke Holo

¹⁶ Fapea bosu na jaola ne huhurudi naikno te gnafare, neubane ikoi ba te biꞌo, te dedei ba te kuma, te snagla ba te sneka mala hata fagaglana fei khame nhetadi ba ka greredire.

Thakle 13:16 Referans Kwoze

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 7:3

Mana ne cheke eghu ka fati engel re, “Thosei goigonini glose ba gaju ba nhorora. Ghehati na kulu lilisei fagaglana ka greredi iheire te loku fabrahu ranghini noda God.”

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Thakle 19:18

Khapru mei mala ghamu nafnahidi hatimare mae king nei hatimare mae funeidi armi nei mae biꞌo ka nauthoglu nei nafnahidi hose nei nafnahidi mae iheire te saghe teu ke klignadi. Uve, ghotilo mei mala ghamu nafnahidi naikno te gnafare, mae sneka nei mae te snagla, nei mae te au nolaghi nei mae te theo nolaghi.”

Diutronomi 6:8

Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Diutronomi 11:18

“Ghotilo mala iju polodi nei ghaoghathodi eghu nogu cheke iara igre. Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Efesus 6:8

Ghotilo te gnafa na laseni igne, eigna Lord thegna ginauna tabadi iheire te loku fakelire, neubane mae sneka ba theome mae sneka.

Galesia 6:17

Eghume thosei eni kaisei puhi biꞌo ranghi ghau iara, naugna nafnera teke para ghau mare igre auhi ka thinigu iara na. Igre fagaglana eigna iara kaisei nogna gloku mae Jisas Kraes.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Fapea Kronikols 15:13

Neubane nalhaꞌu ba gaꞌase, neubane majaghani ba kuekuꞌe, nu jame kaisei ka mare te theome leghuni Lord na, mare ginauna aknu faleheni mana.

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Profet Sekaraea 13:6

Eghuteuna glahu kaisei mae cheke eghu, “Nu glafidi thubu fei gagaromu iagho are, neke unha sarea?” Jame te eghuna, mana ginauna chaghi eghu, “Glafi igre iara fnera ka nodi suga mae kheragu iara.”