Letas Teke Riso Tei Mae Pol Ka Khiloau Rom 9:28 - Buka Blahi Ka Cheke Holo

²⁸ Naugna theome raugha, God ginauna paradi fabrahu naikno te au ka nauthoglu igne.”

Letas Teke Riso Tei Mae Pol Ka Khiloau Rom 9:28 Referans Kwoze

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Matiu 24:21

Naugna ka narane tuana ginauna kmana naikno au papara fara. Ginauna kmana naikno naꞌau papara fara ke tulaodi teke edi tifa ka fufunu gna nauthoglu igne. Eghuteuna ginauna theo kaisei naꞌau papara te biꞌo fara jateula tuana teuna.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.

Profet Isaia 10:22

Gognarona naiknodi Israel igre thono kmana fara jateula nusu ka gratha ra eghu, nu ka narane tuana kmana naikno ginauna lehe, eghuteuna ginauna keha ka ghotilo kolho nate theome lehe na teke pulo mei na. Puhigna Lord mae ihei te au nolaghi fateote'o igne thofno doglo fara, eghuteuna mana neke kulu chekehi nate goigonidi nogna naiknore. Uve, mana ginauna goigoni fahui nomi vido te gnafa ghotilo ka kantri igne.