Letas Teke Riso Tei Mae Pol Ka Khiloau Rom 8:39 - Buka Blahi Ka Cheke Holo

³⁹ neuba kaisei vido ka maloa kligna ba kaisei vido mamhara ke pari glose, uve, neuba kaisei glepo biꞌo ka gobigna lepo teke vuavuha God gre, theome tangomana te fota ghita ka nogna namha God teke fatakle ranghi ghita Jisas Kraes noda Lord.

Letas Teke Riso Tei Mae Pol Ka Khiloau Rom 8:39 Referans Kwoze

Letas Teke Riso Tei Mae Pol Ka Khiloau Rom 8:35

Unha glepo gne te tangomana te fota ghita ka nogna namha Kraes na? Jame te thoke ghita puhi biꞌo ba vido te ninhigrana ba au papara? Jame te theo gheda gano ba pohe, ba jame mare nenei ghita ba falehe ghita, ba, glepo igre tangomana te fota ghita ka nogna namha Kraes na?

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Ululahu Jone 4:19

Tahati namha, naugna God neke kulu namha ghita.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Ululahu Jone 4:16

Eghume tahati lasenihi nei fatutuanihi nogna namha ranghi ghita. Namha na funu mei ka God. Eghume, ihei te au ka namha na au balugna God nei God au balugna mana.

Jone 17:26

Iara la falalasehi ka mare nanghamu iagho na, eghuteuna iara na eni koba igne. Iara ginauna au baludi mare, mala jateula iagho te namha ghau iara gne eghu mare mala namhadi keha naiknore.”

Jone 16:27

Naugna mae Mama namha ghami ghotilo. Mana namha ghami ghotilo naugna ghotilo ne namha ghau iara nei ghotilo fatutuani ghau iara teke mei funu ka God.

Profet Isaia 24:21

Ka narane igne, Lord ginauna paradi iheire te au nolaghi kligna, nei iheire te funei ka nauthoglu igne.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Nodi Khoje Hatimare Mae Jiu 64:6

Mare neke fagroghei ne ke edi keha puhi te diꞌa, ne cheke eghu, “U gaoghatho te eni tahati igne thofno keli fara. Ginauna na theo kaisei naikno nate laseni na puhi igne!” Tutuani fara, tahati theome tangomana te laseni unha te poru teu ka gaoghathogna nei thiꞌagna teu naikno na.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Daniel 4:11

Gaju igne karha rheta nei brahu tei posa kligna, eghuteuna naikno te gnafa ka nauthoglu igne kafe filoni gaju igne.

Profet Isaia 10:33

Nu Lord mae ihei te au nolaghi fateote'o igne ginauna nhaꞌa faparidi iheire te fnakno nanghadi re, nei iheire te rheta jateula gaju thubi teu are.

Proveb 20:5

Gaoghathogna mae te autagna gaoghatho te keli na thono mamhara fara. Nu mae te autagna glalase te keli na ngala nate hiro deni na.

Thakle 20:7

Kate sala'u kaisei thogha finogha igre, mare ginauna nake snakre fajiflani mae Satan ka sosolo.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 2:24

Iara theome tusu ranghi ghami kaisei glepo te ninhigrana te mala leghuni ghotilo na. Nu iara magnahaghei te chekeni ka ghotilo khiloau te gnafa ka namono Taetira te theome leghuni farirhiu te diꞌa na, nei tiromi te magnahaghei laseni puhi te kiloni mare, ‘Nogna thofno cheke poru mae Satan.

Fapea Tesalonika 2:4

Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Famane Khoje 3:4

Nu theome raugha kate jifla kokoni iara mae greireghi igre, iara ne megeinga ne filoni kheragu na! Uve, iara loku famaku ne theome snakre teini, ne ghilei tathalei ne tei ka sugagna idogu na, ka nogna chogho ihei teke fakarhi ghau iara na.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.