Letas Teke Riso Tei Mae Pol Ka Khiloau Rom 2:29 - Buka Blahi Ka Cheke Holo

²⁹ Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Letas Teke Riso Tei Mae Pol Ka Khiloau Rom 2:29 Referans Kwoze

Diutronomi 30:6

Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Diutronomi 10:16

Eghume, ghotilo kato koko gobigna lepo ka gaoghathomi ghotilo te patu gama nei theome tajini teu nogna nhaꞌa cheke Lord igne.

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Ululahu Pita 3:4

Nu unha te au ke lamna nagnafami ghotilo na tangomana te mala kekheliana fifilogna na. Eghuteuna te kekheliana fifilomi ghotilo na igne theome tangomana teke mala tughu na, naugna mei ka nakarha te au faleghu nei famane muana. Puhi igre thofno kekheliana fifilodire ka tathagna God nei mana ghatho tahudi fara.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Fapea Korin 10:18

Eigna mae ihei Lord te ghatho tahuni na, mana ngala te magnahagheni God na, theome mae ihei te ghatho tahuni thegna na.

Letas Teke Riso Tei Mae Pol Ka Khiloau Rom 7:6

Tifa na u vetula neke loku famaku ghita fara, nu gognarona tahati snagla fei vetula na, naugna kate lehe Kraes tifa na tahati jaola lehe balugna mana. Eghuteuna gognarona tahati tangomana te loku ranghini mana ka puhi majaghani. Naugna tahati leghuni mae Tharunga te Blahi, theome leghuni puhi te risoni mae Moses ka vetula na.

Letas Teke Riso Tei Mae Pol Ka Khiloau Rom 2:27

Ka puhi igne God la fate ghamihi ghotilo. Naugna ghotilo ne huhughuni fabrahu nogna vetula na, neubane hatahi ghotilo nogna vetula mae Moses na ba tohi fagaglana hi ghotilo. Nu ihei te theome mae Jiu te leghuni unha te chekeni ka vetula na, neuba mana ne theome thofno tohi fagaglana fei thini, God ghatho tahuni mana.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Jone 4:23

Narane na la meihi, u narane tuana agne hi gognaro. Naikno te tarai tutuani ka mae Kmada na, u Tharunga te Blahi na ginauna toghodi mare mala falalase glepo eigna mana ka naiknore. Nafnata naikno igre te magnahaghedi mae Kmada te mala tarai lao ka mana na.

Luku 17:21

Eghuteuna naiknore ginauna theome cheke eghu, ‘Tore, igne teu vido aheva God te funei frunidi nogna naiknore’ ba ‘Igno teu’. Theo, igne auhi ke lamnami ghotilo.”

Nodi Khoje Hatimare Mae Jiu 45:13

Thugna gaꞌase king na la kulu auhi ka sugagna king, naꞌa kaisei famane gaꞌase fara. Naꞌa pipichi ka pohe teke susuki ka ghajo gol.

Profet Jeremaea 9:25

Lord ne cheke eghu, “Kmana naikno vahe thinidire, nu mare theome leghu ghau iara. Tutuani, narane te mala paradi iara naikno te vahe kolho thinidire la namo meihi.

Letas Teke Riso Tei Mae Pol Ka Khiloau Rom 3:1

Keha naiknore nomhinihi kate cheke eghu iara igne, “U tohi fagaglana gne theome mala fadoglo ghita ke ulugna God.” Eghume, jame mare na cheke eghu, “Ba, glepo keli fara site hata tahati nangha Jiu gnea? Ba theo kaisei gaoghathogna kolho? Jaola, u puhi tohi fagaglana igne glepo tutuani mala togho ghita ba theo?”

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.