Nodi Khoje Hatimare Mae Jiu 9:7 - Buka Blahi Ka Cheke Holo

⁷ Nu Lord na ginauna mala king fabrahu tifa e tifa. Mana la kulu gnokrohi ka nogna sape nafnakno na mala fatedi naiknore.

Nodi Khoje Hatimare Mae Jiu 9:7 Referans Kwoze

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Fapea Pita 3:8

Uve kheraguro, kaisei glepo ngala te mala ghatho tahuni ghotilo na. Ka gaoghathogna noda Lord na, kaisei narane na jateula kaisei thogha finogha eghu, eghuteuna kaisei thogha finogha na jateula kaisei narane eghu ka gaoghathogna Lord na.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Nodi Khoje Hatimare Mae Jiu 103:19

Lord, mae ihei te gnokro teu ka sape nafnakno kligna na, mana ngala te funei frunidi gobigna lepo te au ka nauthoglu igne ba ka maloa kligna.

Nodi Khoje Hatimare Mae Jiu 102:12

Nu iagho Lord God, iagho ginauna King fabrahu tifa e tifa. Eghuteuna iheire na teke karha mei ke leghure, ginauna ghatho nigho fabrahu.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.