Nodi Khoje Hatimare Mae Jiu 9:19 - Buka Blahi Ka Cheke Holo

¹⁹ Lord, mei sagho! Thosei snakredi naikno ne nhetahi thedi teu te figri tagru nigho are mala filodi tathamu nei foflomu teu iagho re. Iagho fakegradi ke ulumu mae bongihehe are mala fate falehedi.

Nodi Khoje Hatimare Mae Jiu 9:19 Referans Kwoze

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Nodi Khoje Hatimare Mae Jiu 44:26

Mei sagho mala togho ghami ghehati! Naugna iagho namha ghami ghehati fara, mei sagho fakarha ghami ghehati.

Nodi Khoje Hatimare Mae Jiu 44:23

Lord, dofra sagho! Thuru unha sagho ia? Faghose mei, thosei thodo ghami ghehati!

Nodi Khoje Hatimare Mae Jiu 10:12

God, mei sagho. Iagho mei mala fapuhini mae igne. Ghathodi sagho naikno te au kokhonidi igre.

Nodi Khoje Hatimare Mae Jiu 7:6

God, nogu naoka iara gre thono diꞌatadi fara ka iara. Iara magnahaghei nigho te mei togho ghau. Iagho mei mala kegra fanogridi. Diꞌatamudi sagho nei figri tagrudi eghu mare. Eghume iara magnahaghe nigho iagho te falalase meini te mae doglo iara ka tathamu na.

Profet Sefanaea 3:8

Aonu Lord ne cheke eghu, “Ghotilo ofoni kolho Narane nate fatedi iara naiknodi soasopaigna kantri igre. Naugna, iara diꞌatagu fara ka naikno igre. Eghuteuna gaoghatho te mala salo meidi naikno igre te mala paradi re la auhi ka nagnafagu iara na. Eghume, diꞌatagu iara igne ginauna brana fara salaꞌui jateula khaꞌaghi eghu, eghuteuna iara ginauna roꞌe fahuidi nodi namono te gnafa mare are.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Nodi Khoje Hatimare Mae Jiu 149:7

Tahati eni igne mala goigonidi keha kantri are, nei mala paradi mare eghu.

Nodi Khoje Hatimare Mae Jiu 79:6

Diꞌatamu sagho ka naikno bongihehe di keha kantri te theome pogho soru nigho nei tarai ka iagho teu are.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Profet Sekaraea 14:18

Eghuteuna jame naiknodi Ijep tirodi mei te mala eni Narane biꞌo te mala Au ka Grorofe Ikoi igne, Lord ginauna theome kuru mei nakhete ka mare. Eghuteuna Lord ginauna kuru mei fogra te diꞌa na mala thokedi mare, jateula teke kuru mei mana ka keha kantri teke tirodi mei ka gaghamu igne ra eghu.

Profet Maeka 5:15

Iara diꞌatagu fara ka naiknodi kantri te gnafa te au falithui ghami ghotilo naugna mare ne theome leghu ghau iara Lord. Eghume iara ginauna thofno paradi mare.”

Profet Joel 3:12

God ne cheke eghu, “Ghotilo naiknomi ka keha kantri ra tarabana mala tei ka glogu Jehosafat. Ka vido igne te mala gnokro soru iara te mala fatedi naiknodi kantri te au faligoho tafri igre.”

Profet Jeremaea 10:25

Fakakhana te diꞌatamu na sagho ka naiknodi keha kantri te theome ghatho tahu nigho are, nei iheire te theome tarai ka iagho teu are. Naugna, mare neke goigoni ghami ghehati vikegna mae Jekop, eghuteuna mare jaola goigoni nomi glose nei nomi suga teu ghehati gre.

Nodi Khoje Hatimare Mae Jiu 80:2

Fatakle meini sagho nou nolaghi na ka ghehati vikegna mae Efrem, nei vikegna mae Benjamin, nei vikegna mae Manase. Fatakle mei sagho nou nolaghi na ka ghehati hui. Uve, mei sagho mala fakarhi ghami ka khamedi mae naoka gre.

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.