Nodi Khoje Hatimare Mae Jiu 9:1 - Buka Blahi Ka Cheke Holo

¹ Lord, iara magnahaghei te cheke fakeli nigho ka nagnafagu na. Iara magnahaghei te toutonudi ka naiknore u famane gloku te gnafa teke edi iagho igre.

Nodi Khoje Hatimare Mae Jiu 9:1 Referans Kwoze

Nodi Khoje Hatimare Mae Jiu 86:12

God, iagho ngala thofno nogu mae funei iara na. Iara ginau cheke fakeli nigho ka nagnafagu fateote'o na, nei iara ginau pala hagheni fabrahu nanghamu iagho na.

Ululahu Kronikols 16:24

Ghotilo ginauna toutonu ranghidi naiknodi keha kantri are eigna nogna nolaghi mana na. Uve, ghotilo toutonu nei cheke thakleni nogna gloku te biꞌo ka naikno fateote'o.

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.

Nodi Khoje Hatimare Mae Jiu 26:7

Iara na kojeni kaisei himu mala kilo fnakno nigho iagho, nei chekedi ka naiknore famane gloku te keli teke edi iagho ra.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Profet Isaia 43:21

Iara neke chekedi nogu naiknore mala kilo fnakno ghau iara.”

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.

Ululahu Kronikols 16:12

Tahati neke karha mei ka vikegna Israel, nogna mae gloku Lord. Eghuteuna tahati goro thugna mae Jekop, mae ihei Lord teke vahini. Leuleghu fata na tahati mala ghathodi kofubobhoi teke edi mana ra, ba puhi te fatedi mana mae naoka ra.

Nodi Khoje Hatimare Mae Jiu 138:1

Lord God, iara thofno cheke fakeli nigho ka gaoghathogu fateote'o. Iara koje kilo fnakno nigho ke uludi nodi god iheire te theome laseni God.

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Luku 10:27

Mana ne cheke eghu ka mae Jisas, “Namhani Lord nou God. Namhani mana ka nagnafamu fateo, nei ka gaoghathomu fateo, nei ka nanhetamu fateo, nei ka nou glalase fateo. Namhani kheramu fofodu na jateula iagho te namha nigho themu eghu.”

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Profet Isaia 12:1

Ghotilo nogna naikno God ra! Ka narane tuana, vikeda tahati ra ginauna koje kaisei khoje, khoje igne cheke eghu: “Lord! Iara cheke fakeli nigho! Tifa na, iagho neke diꞌatamu ka iara, nu gognarona diꞌatamu iagho ka iara na la gnafahi, eghuteuna iagho la fakeli nagnafa ghauhi iara.

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Nodi Khoje Hatimare Mae Jiu 106:2

Ihei gne te nabagna te mala toutonudi glepo te keli te edi Lord re? Ihei gne te nabagna te mala kilo fnaknoni nanghagna na ka puhigna thegna te keli na? Thono theo fara!

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.