Nodi Khoje Hatimare Mae Jiu 83:15 - Buka Blahi Ka Cheke Holo

¹⁵ Mei sagho jateula saeklon biꞌo ra eghu. Uve, famamhagudi sagho ka nuri khoburu biꞌo.

Nodi Khoje Hatimare Mae Jiu 83:15 Referans Kwoze

Thoutonu Eigna Mae Job 9:17

Jau mana ginauna kuru mei khoburu ka iara, eghuteuna mana fiti faghoreho ghau iara kate theo nafugna.

Nodi Khoje Hatimare Mae Jiu 50:3

Noda God na la meihi, nu mana na theome au kmu. Khaꞌaghi te mala nhako gobigna lepore na mei ke ulugna mana, eghuteuna nuri blahi balu nakhete na au faligohoni mana.

Profet Isaia 28:17

Puhi te doglo te mala fateni naikno na ginauna jateula gagha te mala ghogrei suga ia eghu. Eghuteuna puhi te mala eni glepo te keli na jateula led te mala doglo gna gringni thina ia eghu. Fila balu nakhete ginauna soru mei mala roꞌedi nomi cheke chaichaghi te rouronudi ghotilo are. Eghuteuna khoꞌu biꞌo ginauna britha mala mei pala koko saosagro te ghathodi na fakarhi ghami teu ghotilo are.

Nodi Khoje Hatimare Mae Jiu 58:9

God, ghosei brasi sorudi sagho kate iho teu mare na mala jateula buburu eghu kolho mare. Kate diꞌatamu na phanga lao sagho ka mare mala flalo tei delei kate karha teu mare na.

Hibru 12:18

Ghotilo theome jateula naiknodi Israel tifa teke tei ka Thogele Sanai ia eghu. Kaisei fata kate mei namo ka thogele na, mare neke filoni u khaꞌaghi biꞌo na neke dudulu kligna, eghuteuna ka vido te romno fara tuana, nuri blahi na jaola neke ghaghafa mei tagna.

Matiu 7:27

Eghuteuna, mei neu nakhete biꞌo na, mei neu nabritha na, nei mei neu nuri blahi na ka suga tuana. Eghuteuna suga tuana grofo gna na thono diꞌa fara!”

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Profet Esikiel 21:3

‘Lord ne cheke eghu: Iara cheke faheta ka ghotilo. Iara ginauna korho fajifla nogu naflahi mala magra na mala aknu falehe hui nomi naikno te gnafa ghotilo are neuba mare ne doglo ba diꞌa.