Nodi Khoje Hatimare Mae Jiu 73:4 - Buka Blahi Ka Cheke Holo

⁴ Naikno igre theome au papara nei fogradi eghu, eghuteuna thinidire thofno nheta fabrahu ngala.

Nodi Khoje Hatimare Mae Jiu 73:4 Referans Kwoze

Luku 16:22

“Leghu lahu na mae Lasaros ne lehe. Eghuteuna engel re palani mana ne tei mala gnokro rhegna mae Ebraham kligna. Mae dedei na jaola lehe ne giugilu.

Eklesiasti 2:16

Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 17:10

Hatimare cheke fabiꞌo fara balu pala haghedi kolho nangadi thedire. Eigna mare tirodi kokhonidi kolho keha naiknore.

Thoutonu Eigna Mae Job 24:20

Idodi naikno igre, ginauna ghatho ihodi. Eghuteuna siosilo ginauna ghamu thinidi re, Eghume ginauna theo kaisei naikno na teke ghathodi re. Nakarhadi naikno te diꞌa igre, ginauna ari gnafa jateula gaju te kato soru pari, eghuteuna boto ka glose na teu ra eghu kolho.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Thoutonu Eigna Mae Job 15:27

“Mae igne jateula mae te blokha nei dedei ra eghu, eghuteuna mae igne hiuhiku.

Thoutonu Eigna Mae Job 21:13

Naiknore glealeꞌa nodi kolho, eghuteuna mare theome diꞌanagnafa kate soru ka beku na.

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.