Nodi Khoje Hatimare Mae Jiu 73:2 - Buka Blahi Ka Cheke Holo

^2-3 Nu kate filodi iara nodi glepo te keli naikno te diꞌare, nei fahaehaghedi fara teu mare na, nogu gaoghatho nheta nei fatutuani teu iara re namo ari luvu theo tokadi kolho. Naugna iara goghotu fara kate au nodi glepo te keli naikno te diꞌa puhidi igre.

Nodi Khoje Hatimare Mae Jiu 73:2 Referans Kwoze

Nodi Khoje Hatimare Mae Jiu 94:18

Lord God, kate eha eghu iara na, “Iara gne la namo lehehi,” nu naugna te biꞌo fara iagho nou namha na, iara gne theome tangomana te lehe na.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Nodi Khoje Hatimare Mae Jiu 116:8

Lord na neke fakarhi ghau iara kau glehe, naugna igne iara gognaro na tirogu tanhi kolho. Uve, mana taji ghau iara kau glehe.

Nodi Khoje Hatimare Mae Jiu 38:16

Te tore nigho iara na, thosei snakredi nogu naoka iara re mala glealeꞌa kate au diꞌanagnafa nei au papara teu iara na. Kate tapla jafra iara na, thosei snakredi mare mala cheke fahaehaghe nei glealeꞌa eghu ke ulugu iara.

Nodi Khoje Hatimare Mae Jiu 17:5

Leuleghu fata na iara leghuni nabroumu iagho na. Eghume iara theome tangomana te snivi ka nabrou na.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Nodi Khoje Hatimare Mae Jiu 5:7

Naugna ka nou namha biꞌo iagho ranghi ghau iara, iara nabagu te tei ruma ka Sugamu iagho te blahi na. Iara ginauna na tei ka sugamu iagho te blahi tuana mala tufru soru nigho nei tarai eghu.

Thoutonu Eigna Mae Job 21:4

“Ba, ne khuru chekedi iara naikno gre neu si ghotilo ia? Theo, iara khuru cheke ka God. Naugna igne site tirogu ofo iara gnea.

Thoutonu Eigna Mae Job 12:5

Iheire te au ka nakarha te keli igre cheke goigonini mae ihei te thokeni puhi biꞌo na. Puhi igne faꞌeiꞌei puhi biꞌo ka iheire te namo khoko pari.

Ululahu Kronikols 22:7

Mana ne cheke eghu, “Thuguo, iara neke magnahagheni fara te horo kaisei Sugablahi mala cheke fakelini nanghagna Lord noda God.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Proveb 5:14

Gognarona iara thono diꞌa fara ka tathadi naiknore.”