Nodi Khoje Hatimare Mae Jiu 7:13 - Buka Blahi Ka Cheke Holo

¹³ Eghuteuna nogna jata khaꞌaghi na mana la kulu tarabana lauhi. Mana la kulu louloku lauhi nogna glepo mala magra igre ka khamegna na.

Nodi Khoje Hatimare Mae Jiu 7:13 Referans Kwoze

Fapea Tesalonika 1:6

Eghuteuna God ginauna eni unha te doglo fara. Mana ginauna foli fapulo puhi biꞌo fara ka iheire te ei puhi biꞌo ranghi ghami ghotilo.

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Nodi Khoje Hatimare Mae Jiu 64:7

Nu God ginauna na tirogna toghodi mare nogna, eghuteuna mare na megei nga ghoreho nodi kolho ka hatimare mae naokare.

Nodi Khoje Hatimare Mae Jiu 45:5

Nou jata iagho te fnonu na ginauna churu ka thinidi nou naokare ghilei tei posa ka nagnafadire. Eghuteuna maedi ka keha kantri are ginauna pogho soru ke ulumu iagho.

Nodi Khoje Hatimare Mae Jiu 18:14

Mana hohoro nakafli ka khoveo ne jateula jata neu ne fadi di nogna naokare, aonu mare ne rikha ne theo tokadi.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Nodi Khoje Hatimare Mae Jiu 144:6

Kuru meini sagho u nakhafli ana mala rikha sopa thei nogu naoka iara gre. Uve, fada jatadi sagho mala rikha mare.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Nodi Khoje Hatimare Mae Jiu 11:2

Naugna hatimare mae te diꞌa gre la lolhohi nodi phalohore. Mare poru kate romno na la fatoti laohi nodi jatare ka gnarhodi nodi phalohore mala fada ka nagnafadi naikno te doglore.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Diutronomi 32:42

Nogu jata iara gre ginauna apu ka dadaradi naikno te tirodi ghau iara re. Nogu naflahi mala magra iara na ginauna ghamu thinidire, eghuteuna ginauna falehedi mae te au ka sosolo, eghuteuna kusu phaꞌudi mae biꞌo te naokare.’

Diutronomi 32:23

“ ‘Iara ginauna lisa mei puhi biꞌo ke klignami ghotilo. Puhi biꞌo igre ginauna mei ka ghotilo jateula iara te fada jata ghami ghotilo ra eghu.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Lamentations 2:4

Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.