Nodi Khoje Hatimare Mae Jiu 67:6 - Buka Blahi Ka Cheke Holo

⁶ Nauthoglu tahati igne fodu nei vuragha eghu ka gano. Naugna noda God te pogho soruni tahati igne mana ne fablahi ghita.

Nodi Khoje Hatimare Mae Jiu 67:6 Referans Kwoze

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Profet Jeremaea 31:1

Lord ne cheke eghu, “Ka narane nate mei ginau igne, iara ginauna nodi God vike te gnafa Israel, eghuteuna mare nogu naikno iara.”

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Levitikas 25:19

Jame te eghu ghotilo na, nomi glose ghotilo igne ginauna au kmana gano, eghuteuna ghotilo ginauna theome tangomana te kmoꞌe ka gano na, eghuteuna ghotilo ginauna tangomana te au fakeli ka vido tuana.