Nodi Khoje Hatimare Mae Jiu 58:3 - Buka Blahi Ka Cheke Holo

³ Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Nodi Khoje Hatimare Mae Jiu 58:3 Referans Kwoze

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Profet Isaia 48:8

Iara theome rouronu ghami ghotilo, eigna ghotilo ne figri tagru ghau iara funu karha meimi ka nauthoglu igne. Naugna igne, iara neke theome chekedi glepo igre ka ghotilo, eghuteuna ghotilo neke theome nomhidi glepo igre.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Thoutonu Eigna Mae Job 15:14

“Ba, ihei te doglo fara na? Ba, ihei te karha mei ka gaꞌase, te doglo ka tathagna God na?

Profet Isaia 46:3

Lord ne cheke eghu, “Fanomho mei ka iara, ghotilo iheire te aunga teu ka vikegna Israel ra! Funu tifa te mei ka narane teke karha mei ghotilo tagna na, iara neke reireghi ghami ghotilo.

Nodi Khoje Hatimare Mae Jiu 55:10

Bongi narane na mare tei faligohoni baragna namono na naugna mare kaikaliti fabrahu mala magra.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.