Nodi Khoje Hatimare Mae Jiu 50:2 - Buka Blahi Ka Cheke Holo

² God na au Saion, namono keli tutuani, famane namono fara, naphaegna God na au ka namono te keli nei famane namono tutuani fara. Naphaegna God na jifla mei funu Saion ka vido te snagla ne tei heva heva ka nauthoglu igne.

Nodi Khoje Hatimare Mae Jiu 50:2 Referans Kwoze

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Profet Habaku 2:20

Nu Lord na theome jateula mumuju eghu. Theo. Mana au ka nogna Sugablahi kligna, eghuteuna naikno te gnafa ka nauthoglu igne mala au kmu nei fanomho eghu ka mana.

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”

Lamentations 2:15

Jerusalem, naikno te ari salaꞌu ka iagho are, filo fapari nigho iagho, naugna naoka ra neke mei goigoni nighohi, mare neke cheke fadiꞌa eghu nighohi, “Igne si namono te chekeni mare famane namono ka nauthoglu igne, eghuteuna naikno te gnafa gre kelitadini fara te au tagna?”

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Famane Khoje 5:16

Chekegna mana na mamahe fara Iara thofno magnahagheini fara mana. Goro gaꞌasemi Jerusalem, igne kheragu iara na. Mana kheragu iara.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Nodi Khoje Hatimare Mae Jiu 80:17

Taji ghami nei batu ghami eghu sagho ghehati nou naikno teke vavahi themu gre. Naugna iagho neke magnahaghei ghami ghehati te kmana nei nheta neku.

Nodi Khoje Hatimare Mae Jiu 68:24

God, iagho nogu king iara, naiknore filo nigho te ulunihi iagho magra igne. Eghuteuna naiknore filo nigho iagho te tei ruma iagho ka nou suga te blahi na.

Nodi Khoje Hatimare Mae Jiu 48:3

God na au ka namono tuana mala togho ghita ka narane te magra na mala au fakeli tahati.

Nodi Khoje Hatimare Mae Jiu 80:2

Fatakle meini sagho nou nolaghi na ka ghehati vikegna mae Efrem, nei vikegna mae Benjamin, nei vikegna mae Manase. Fatakle mei sagho nou nolaghi na ka ghehati hui. Uve, mei sagho mala fakarhi ghami ka khamedi mae naoka gre.