Nodi Khoje Hatimare Mae Jiu 44:19 - Buka Blahi Ka Cheke Holo

¹⁹ Nu iagho lilisei ghami kolho fari hoteidi khuma te fakaukathu gre, iagho theome togho ghami ghehati kolho, eghuteuna iagho snakre ghami ghehati mala au kolho ka vido te romno fara na.

Nodi Khoje Hatimare Mae Jiu 44:19 Referans Kwoze

Nodi Khoje Hatimare Mae Jiu 23:4

God, neubane tei iara ka vido aheva te romno fara, iara theome mhaghu nogu, naugna iagho au balugu iara. Tutuani fara, iara laseni nou nanala nei khodo teu iagho gre ngala te fameomego ghau iara na.

Thoutonu Eigna Mae Job 3:5

Snakreni gromno na mala hata kasa narane tuana, snakreni kaisei gromno mala toku tafru narane igne, eghuteuna snakreni gromno igne mala fanograni naphaegna naprai na.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Nodi Khoje Hatimare Mae Jiu 51:8

Iara magnahaghei te nomhini ka iagho tela kokohi iagho nakhibogure. Te eghu iagho na, iara ginauna na glealeꞌa fara.

Thakle 16:10

Falima engel na ne tei ne totofa nogna dis na ke kligna gna nogna sape nafnakno bosu na. Eghuteuna namono te gnafa te funei frunidi bosu na ne kafe romno soru. Eghuteuna naiknodi namono igre ne funu kakathu glapidire naugna ne kabru ghedi fara.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Profet Esikiel 29:3

Iagho cheke ka mare te iara Lord God te cheke eghu igne: “ ‘King gna Ijep! Iara nou naoka iagho. Iagho jateula kaisei nasava biꞌo te thuru teu ka phesigna Khoꞌu biꞌo Nael ia eghu. Eghuteuna iagho cheke eghu koba, “Khoꞌu biꞌo igne nogu iara! Iara neke eni malagu thegu!”

Profet Isaia 35:7

Eghuteuna namono nagou teke au nusu brana kolho tadira, ginauna kholo biꞌo au tagna. Namono te theome keli teke au khuma mata ra, ginauna thua nafnata buburu khoꞌu ginauna kotu tagna.

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Thoutonu Eigna Mae Job 30:29

Naoglagu iara na tanhi fadiꞌa jateula naoglagna khuma mata eghu. Iara au thegu kolho jateula nanghaji biꞌo ka namono nagou ra eghu.

Thoutonu Eigna Mae Job 23:11

Leuleghu fata na, iara ghatho tahuni mana, eghuteuna iara leghudi puhigna mana re. Iara theome tei kokoni mana mala leghuni kaisei nabrou delei.