Nodi Khoje Hatimare Mae Jiu 44:15 - Buka Blahi Ka Cheke Holo

¹⁵ Leuleghu fata na iara haimini ka nagnafagu na, iara gne diꞌa fara ka tathadi naiknore gognaro na. Iara mamaja nogu fara

Nodi Khoje Hatimare Mae Jiu 44:15 Referans Kwoze

Nodi Khoje Hatimare Mae Jiu 69:7

Mare cheke fadiꞌa ghau nei famamaja ghau eghu iara, naugna iara ne pogho soru nigho iagho.

Profet Jeremaea 51:51

Lord ne cheke eghu, “Ghotilo cheke eghu, ‘Naiknore cheke fadiꞌa ghami ghehati, eghuteuna ghehati mamaja nomi fara, naugna maedi delei gre ne tei ruma lamna ka nogna Sugablahi Lord te Blahi fara na.’

Profet Jeremaea 3:25

Ghehati mamaja nomi fara ka unha te edi themi igre. Ghehati baludi kuꞌemi tifara jaola tapla jafra ka nakhibo ke ulumu iagho Lord, nomi God. Funu tifa te ghilei mei posa ka narane igne ghehati theome leghu nigho.”

Nodi Khoje Hatimare Mae Jiu 89:45

Gognaro na iagho magnahagheni mana te ghosei te mae khuekuꞌe na, eghume mana na thofno mamaja nogna fara.

Nodi Khoje Hatimare Mae Jiu 71:13

Tapla sorudi nei fakokhoanadi eghu sagho mae te magri ghau iara igre. Iara magnahaghedi mae igre te mamaja nei theome keli teu ka tathadi naiknore.

Esra 9:6

ne tarai eghu, “Nogu God! Iara thono mamaja nogu fara, iara theome tangomana te ghae haghe tathagu nei foflogu teu gre te mala ari posa ka iagho kligna na. Nakhibomi ghehati gre kmana fara, ghehati nabami te papara eidi nakhibo igre. Naugna nakhibomi ghehati igre la pagu la haghe salaꞌudi phaꞌumi ghehati gre la ghilei tei posa kligna.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Thoutonu Eigna Mae Job 17:6

“Gognarona mare te gnafa na maꞌeni nanghagu iara na, eghuteuna mare kmisu ka phei tathagu iara re.

Lamentations 2:15

Jerusalem, naikno te ari salaꞌu ka iagho are, filo fapari nigho iagho, naugna naoka ra neke mei goigoni nighohi, mare neke cheke fadiꞌa eghu nighohi, “Igne si namono te chekeni mare famane namono ka nauthoglu igne, eghuteuna naikno te gnafa gre kelitadini fara te au tagna?”