Nodi Khoje Hatimare Mae Jiu 34:14 - Buka Blahi Ka Cheke Holo

¹⁴ Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Nodi Khoje Hatimare Mae Jiu 34:14 Referans Kwoze

Nodi Khoje Hatimare Mae Jiu 37:27

Eghume iagho figri lao thagrumu na ka glepo te diꞌare mala eni kolho unha te keli na. Te eghu iagho na, thumu iagho re ginauna au fakeli nodi fabrahu ka vido glose teke nhaꞌa chekeni God ka ghotilo igne.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Ululahu Pita 3:11

Mana figri lao tagrugna na ka nakhibo nei mala eni unha te keli. Mana fariuriu mala au ka pharikeli baludi keha naiknore.

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Letas Teke Riso Tei Mae Pol Ka Khiloau Rom 12:18

Hati nhetami na fabrahu mala au ka pharikeli baludi naikno te gnafare.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Proveb 13:14

Nogna farirhiu mae te autagna gaoghatho te keli na tangomana te fakarhini naikno na kau glehe.

Nodi Khoje Hatimare Mae Jiu 120:7

Neubane magnahaghei pharikeli iara na, mare magnahaghei magra kolho.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Nodi Khoje Hatimare Mae Jiu 39:2

Uve, iara neke au kmu neke theome gagri kaisei cheke kolho. Eghuteuna iara neke theome eni kaisei cheke eigna kaisei glepo te keli la ngau. Nu nogu diꞌanagnafa iara na ke la biꞌo fapulo gognaro na.

Proveb 4:24

Iagho thosei cheke chaichaghi nei cheke diꞌa eghu, iagho chekeni kolho cheke te tutuani na.