Nodi Khoje Hatimare Mae Jiu 33:3 - Buka Blahi Ka Cheke Holo

³ Koje ranghini mana ka khoje majaghani! Koje fakeli ka gita nei kafe eha fabiꞌo balu glealeꞌa!

Nodi Khoje Hatimare Mae Jiu 33:3 Referans Kwoze

Profet Isaia 42:10

Naikno te gnafa ka nauthoglu igne baludi gobigna lepo te au ke lamnagna! Ghotilo kojeni kaisei khoje majaghani mala kilo fnaknoni Nanghagna Lord! Ghotilo iheire te tei ka vaka ra, ghotilo kilo fnaknoni mana. Ghotilo gobigna lepo te au ba te taotao ke lamna thongna ra, ghotilo kilo fnaknoni mana. Ghotilo naikno te au ka kantri te khaba ra, ghotilo te gnafa na mala kafe kilo fnaknoni mana.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Ululahu Kronikols 25:7

Varadaki fati mae igre baludi keha mae Livaet eghu, mare lase koje fara naugna mare neke sikolu fakelini te mala koje te pala hagheni nanghagna Lord. Eghuteuna khaputudi mae te lase koje fara ka tothoghei igne na posani phia gobi nhanasalei nhana mae.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 96:1

Ghotilo kojeni kaisei khoje majaghani mala kilo fnaknoni Lord! Ghotilo te gnafa ka nauthoglu igne, ghotilo koje ranghini Lord.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Nodi Khoje Hatimare Mae Jiu 144:9

God, iara ginauna na kojeni kaisei khoje majaghani ka iagho. Uve, iara na atha gita mala koje ka iagho.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Ululahu Kronikols 13:8

Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Nodi Khoje Hatimare Mae Jiu 149:1

Tahati kilo fnaknoni Lord! Tahati kojeni kaisei khoje majaghani ranghini Lord. Uve, tahati kilo fnaknoni mana ke uludi iheire te kafe mei te pogho soruni ka nogna Sugablahi na.

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Fapea Kronikols 34:12

Aonu mae te lokure ne ghatho tahuni fara gloku igne. Fati mae Livaet igre te bosigna gloku na: mae Jahat ghe mae Obadaea, phei mae igre vikegna mae Merari, eghuteuna mae Sekaraea ghe mae Mesulam, phei mae igre vikegna mae Kohat. Keha mae Livaet te lase koje igre,

Ululahu Kronikols 15:22

Naugna te lase koje fara mae Kenanaea igne, mare ne vahini mana mala mae funeidi mae te koje igre.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.