Nodi Khoje Hatimare Mae Jiu 33:18 - Buka Blahi Ka Cheke Holo

¹⁸ Nu Lord na reireghidi iheire te ghatho tahuni nei rouronuni teu nogna namha biꞌo mana na.

Nodi Khoje Hatimare Mae Jiu 33:18 Referans Kwoze

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Thoutonu Eigna Mae Job 36:7

God na theome filo kokodi iheire te doglo, eghuteuna mana fagnokro haghedi ka sape funei, eghuteuna fafnaknodi fabrahu.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Nodi Khoje Hatimare Mae Jiu 52:8

Nu iara gne theome eghu jare. God na reireghini nakarhagu iara na gne jateula gaju oliv te au rhegna sugagna God na ia eghu. Iara fatutuani ni God eigna mana kokhoni ghau iara fabrahu tifa tifa.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Ululahu Kings 17:6

Mana ne koꞌu jare ka khoꞌu ikoi igne, eghuteuna fei hamerane nei fei grafi teuna nanghaji te pala te mei bret nei nafnahi teu koba ka mana na.

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Esra 8:22

Iara mamaja nogu fara te toreni king te mala kuru nogna soldia nei mae te saghe ka hose te mala reireghi ghami ghehati ka nabrou na. Iara mamaja nogu naugna iara neke cheke eghuhi ka king, “Nomi God ghehati gne thofno fablahidi fabrahu iheire te fatutuanini mana re, nu thono diꞌatagna fara ka iheire te figri tagruni mana re.”

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.