Nodi Khoje Hatimare Mae Jiu 23:5 - Buka Blahi Ka Cheke Holo

⁵ Iagho tarabana kaisei gaghamu biꞌo malagu iara ka tathadi nogu naokare. Iagho taji fakeli ghau iara jateula kaisei mae biꞌo eghu ka suga muna. Eghume nogu glealeꞌa iara na thono biꞌo fara jateula kaisei kapu khoꞌu te fodu te salauꞌi ra eghu.

Nodi Khoje Hatimare Mae Jiu 23:5 Referans Kwoze

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Thoutonu Eigna Mae Job 36:16

“God ginauna togho nigho iagho mala jifla mei ka puhi biꞌo, eghuteuna mana ginauna reireghi nigho ka namono te keli. Mana ginauna fafodu nou tevo iagho na ka famane gano te keli.

Ululahu Jone 2:20

Nu ghotilo theome jateula mare eghu, eigna mae Tharunga te Blahi neke meihi ke klignami ghotilo. Eghume ghotilo te gnafa na laseni cheke te tutuani na.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Fapea Korin 1:21

God thegna te togho ghami ghotilo nei togho ghami ghehati teu te mala au rheta noda fatutuani na ka Kraes. God thegna neke vahi ghita mala nogna naikno mana.

Ululahu Korin 10:16

Ghotilo ghathoni u hinao te cheke fakelini tahati ka God ia. Kate koꞌu tahati ka hinao igne, tahati kaisei ka dadaragna Kraes. Eghuteuna kate ima u bret te piphike igne, tahati kaisei ka thinigna Kraes.

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Nodi Khoje Hatimare Mae Jiu 116:13

Iara ginauna fafara lao waen ka mana mala tegioni mana naugna mana neke fakarhi ghau iara.

Nodi Khoje Hatimare Mae Jiu 22:26

Naikno te kuma re ginauna ghamu ghedi boho. Eghuteuna naikno te hironi God na, mare ginauna na pala hagheni nanghagna God na. Iara toreni God mala fablahidi fabrahu tifa e tifa!

Nodi Khoje Hatimare Mae Jiu 78:19

Mare ne ke cheke faparini God, ne ke cheke eghu, “God na theome tangomana te tusu mei gano te keli ka tahati ka namono nagou igne.

Luku 7:46

Iagho theome dadalu pha'ugu iara na ka sedi, eghuteuna naꞌa ne dadalu ghahegu iara re kau kholo te sisiri keligna igne.

Profet Emos 6:6

Ghotilo koꞌu waen koba, nei ghiha famane oel te siri keligna ka thinimire. Nu ghotilo theome kokhonini kolho nomi kantri Israel nate mei mae naoka te goigoni igne.

Nodi Khoje Hatimare Mae Jiu 22:29

Naikno te nolaghi fara ka nauthoglu gne ginauna na ghamu fodu nei pogho soru nigho eghu. Uve, naikno te gnafa nate mei pogho soru nigho re. Kaisei narane ginauna mare na orio lehe.

Matiu 6:17

Nu iagho na, kate dangna na, dadalu tathamu are nei pore fakeli khaklamu are eghu.

Nodi Khoje Hatimare Mae Jiu 92:11

Iara neke filodihi te tapla sorudi God nogu naokare. Iara neke nomhidihi kate au papara nei tanhi teu naikno te diꞌa teke magri ghau iara gre.