Nodi Khoje Hatimare Mae Jiu 22:14 - Buka Blahi Ka Cheke Holo

¹⁴ Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Nodi Khoje Hatimare Mae Jiu 22:14 Referans Kwoze

Profet Daniel 5:6

King Belsasa filoni igne ne mhaghu nogna fara. Tathagna nei foflogna teu manare ne tughu, eghuteuna mana theome tangomana te kegra haghe na. Naugna thinigna na ne glaꞌe soru.

Nodi Khoje Hatimare Mae Jiu 31:10

Diꞌanagnafa te eni iara gne fakmoꞌeni nakarhagu iara na. Iara tanhi nogu fara, eghuteuna iara theome nabagu te au faraugha na. Nanhetagure la hui, eghuteuna nhubragure la jaola salha hi.

Thoutonu Eigna Mae Job 23:16

God eni gaoghathogu iara gne la glaꞌe soru. Uve, God mae ihei te au nolaghi fateote'o igne mana famamhaghu ghau iara fara.

Josua 7:5

Maedi Ai igre ne ngolhidi maedi Israel funu ka grengathagna namono na ne ghilei tei posa ka kaisei thogele te mala dokha thina na. Eghuteuna kate ngolhodi te sukha maedi Ai ka thogele igne na, mare ne aknu falehe tolufulu namno mae ka nogna soldia mae Josua igre. Mae Israel igre ne mhaghudi mae igre ne glaꞌe soru fara gaoghathodire.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Profet Nahum 2:10

Namono igne la thono groꞌe farahi. Mae naoka igre la hata fahui gobigna lepore. Theo kaisei glepo te au na. Naiknore mhaghu fara, ne thofno gla'e soru, eghuteuna tathadi nei foflodi teure thono diꞌa fara filodi re.

Nodi Khoje Hatimare Mae Jiu 68:2

Gigi teidi sagho naikno te diꞌa gre delei mala jateula khoveo te flalo te tei ka nuri ra eghu mare.

Nodi Khoje Hatimare Mae Jiu 22:17

Kate filo meidi nhubragu iara re, nogu naoka iara re filo mei e maꞌe ghau iara. Naugna mare ne filo meini thinigu iara te glaꞌe fara te namo lehe na.

Thoutonu Eigna Mae Job 30:16

“Gognarona, nakarhagu iara na namo tei dofini. Eghuteuna iara au papara leuleghu narane kolho.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Matiu 26:38

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Thoutonu Eigna Mae Job 16:10

Naiknore cheke goigoni ghau iara, eghuteuna mare mei khapru faligoho ghau iara eghuteuna mare tapodi tathagu nei foflogu teu iara re.

Nodi Khoje Hatimare Mae Jiu 35:21

Mare cheke eghu fabiꞌo ka iara, “Tutuani fara, ghehati filo nigho iagho neke eni puhi te diꞌa na!”

Lamentations 3:46

“Mae naoka gre cheke fapari ghami ghehati.