Nodi Khoje Hatimare Mae Jiu 19:1 - Buka Blahi Ka Cheke Holo

¹ Kate filo haghe ka maloa na, tahati filoni nogna nolaghi biꞌo God na. Eghuteuna kate filo haghedi gobigna lepo ka maloa na igre, tahati thofno filoni nogna famane gloku teke eni mana ka khamegnare.

Nodi Khoje Hatimare Mae Jiu 19:1 Referans Kwoze

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Nodi Khoje Hatimare Mae Jiu 50:6

Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Thoutonu Eigna Mae Job 28:27

Ka narane te edi glepo igre, mana filo glani gaoghatho te keli na, eghuteuna mana chekeni puhigna na. Uve, ka narane igne mana enihi unha gaoghatho te keli na, nei ghathoni unha te thofno doglo na.