Nodi Khoje Hatimare Mae Jiu 137:3 - Buka Blahi Ka Cheke Holo

³ Iheire teke sesekai ghami ghehati teke tei Babilon gre mare ne tore ghami ghehati mala koje. Mare ne cheke eghu ka ghehati, “Kojeni si ghotilo kaisei khoje gna Saion.” Mare magnahaghei ghami ghehati te koje mala glealeꞌa nodi eghu, nu mare khogla maꞌe ghami ghehati kolho eghu.

Nodi Khoje Hatimare Mae Jiu 137:3 Referans Kwoze

Luku 21:6

“Gobigna lepo te khuakhuda te filodi ghotilo igre ginauna groꞌe. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.”

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Jeremaea 26:18

“Tifa, ka narane teke king mae Hesekaea ka kantri Juda, profet Maeka maegna Moreset ia neke eni nafnata cheke igne ka naiknodi Juda ra, ‘Lord mae ihei te au nolaghi fateote'o igne ne cheke eghu: “ ‘Jerusalem ginauna groꞌe jateula bukrei chara eghu. Eghuteuna Thogele Blahi igne Saion ginauna vuhai glose kolho, eghuteuna mare ginauna tobi nagare tagna. Eghuteuna thogele te au nogna Suga Lord igne ginauna thafru ka soro.’

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Nodi Khoje Hatimare Mae Jiu 80:6

Iagho neke snakredi naiknodi keha kantri te au faligoho ghami ghehati gre mala magra mare ka ghehati mala atha nomi kantri ghehati gne. Hatimare mae naoka gre cheke fadiꞌa ghami fara ghehati.

Nodi Khoje Hatimare Mae Jiu 79:1

God, naikno bongihehe igre la ruma mei hila ka kantri mala nomi ghehati teku iagho igne. Uve, mare la mei goigonihila nou Sugablahi iagho gne, eghuteuna mare la fadidiꞌa hila namono biꞌo Jerusalem.

Nodi Khoje Hatimare Mae Jiu 65:1

God, ghehati na haghe ka Thogele Saion mala pala hagheni nanghamu iagho na. Eghuteuna ghehati na edi unha teke mala edi teku teke nhaꞌa chekedi ghehati tifa ra.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Nehemaea 4:2

Eghuteuna mana kegra haghe ke uludi mae kheragna re baludi mae armidi Samaria gre ne cheke eghu, “Tore, unha site eni na mae Jiu te glaꞌe fara igrea? Ba, mare ginauna tangomanadi teke babana fapulo thedi gringni thina tuana? Ba, mare ginauna jaola tangomanadi nate ke fafara na. Ba, mare ginauna tangomanadi nate loku fagnafa gloku igne ka kaisei narane kolho na? Theome tangomana! Thina teke hata teke loku mare tifa gringni thina igne la goigonihi khaꞌaghi. Mare theome tangomana teke hata thina ka chara re.”

Ululahu Kronikols 16:7

Igne narane ululahu te nhaꞌa lao gloku mae Devet ka vikegna mae Asaf te mala koje nei kilo fnaknoni Lord. Mare ne koje eghu:

Profet Isaia 51:11

Naikno teke fakarha fapulodi Lord ra, ginauna nake pulo mei Jerusalem. Eghuteuna kate pulo mare Saion, mare ginauna eha fabiꞌo balu koje naugna mare ne glealeꞌa fara. Mare ginauna theome diꞌanagnafa ba tanhi ka namono igne, naugna mare na glealeꞌa fabrahu kolho.

Ululahu Kronikols 15:27

Ka narane tuana, mae Devet baludi mae Livaet te pala Bokis Nhaꞌa Cheke igne, nei mae iheire te koje igre, nei mae Kenanaea mae ihei te batuni gloku igne ne kafe pipichi famane pohe. Eghuteuna mae Devet jaola ne fahaghe famane phoko te kiloi efod ne jateula mae pris neu.

Proveb 25:20

Te koje iagho ka ihei te diꞌanagnafa na, iagho fadiꞌani mana jateula te atha koko nogna phoko mana na ka vido te reka ra eghu.