Nodi Khoje Hatimare Mae Jiu 119:86 - Buka Blahi Ka Cheke Holo

⁸⁶ Iara thofno fatutuanidi nou cheke te gnafare iagho na. Naugna nou cheke iaghore thofno tutuani fara. Togho mei ghau iara sagho naugna naikno te diꞌa gre chekedi kolho cheke te chaichaghi re eigu iara na.

Nodi Khoje Hatimare Mae Jiu 119:86 Referans Kwoze

Nodi Khoje Hatimare Mae Jiu 70:5

God, ghose mei ka iara, naugna iara gne kuma, iara gne theo kaisei nogu glepo gognaro na. Eghume, Lord God, iagho ghose mei togho ghau iara, naugna iagho ngala te tangomana te fakarhi ghau iara na.

Nodi Khoje Hatimare Mae Jiu 35:19

Thosei snakredi nogu naoka iara te mae chaichaghi gre mala tapla fapari ghau iara. Thosei snakredi mare mala maꞌe ghau iara kate filoni mare te au diꞌanagnafa iara na.

Nodi Khoje Hatimare Mae Jiu 119:78

Jame te keli na iagho famamajadi naikno te thono fahaehaghedi fara are, naugna mare ne cheke chaichaghi eigu iara. Neuba mare ne chaichaghi eghu koba ngau, iara ginauna gaoghatho heta kolho ka nou famane cheke iagho ra.

Nodi Khoje Hatimare Mae Jiu 109:26

Lord God, iagho nogu God iara. Togho ghau nei fakarhi ghau eghu iara sagho, naugna nou namha iagho na thono biꞌo fara.

Nodi Khoje Hatimare Mae Jiu 35:7

Iara neke theome eni kaisei puhi te diꞌa ranghidi mare, nu mare lilisei kaisei phighoro te mala fakhale ghau iara na. Eghuteuna mare neke dokha kaisei khora te mala snoꞌo iara na.

Letas Teke Riso Tei Mae Pol Ka Khiloau Rom 7:12

Eghume, u nogna vetula God gne thono blahi fara, eghuteuna cheke te gnafa ka vetula na igre jaola blahi nei doglo nei keli eghu.

Nodi Khoje Hatimare Mae Jiu 119:151

Nu Lord God, leuleghu fata na iagho mei au namo ka iara, eghuteuna nou cheke iagho re thofno tutuani fara.

Nodi Khoje Hatimare Mae Jiu 119:138

Nou farirhiu thono doglo fara, eghuteuna iagho edi koba unha te chekedi mala edi teu iagho re.

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Nodi Khoje Hatimare Mae Jiu 119:142

Puhimu iagho te doglo fara na ginauna au fabrahu tifa e tifa, eghuteuna nou vetula iagho thono tutuani fara.

Nodi Khoje Hatimare Mae Jiu 19:9

Ihei te ghatho tahuni Lord na mana eni puhi te keli na, eghuteuna puhi igne ginauna au fabrahu ka mana. Gaoghathogna Lord na thofno keli fara, eghuteuna mana ginauna kafe fate ghita gnafa ka puhi te doglo.

Nodi Khoje Hatimare Mae Jiu 143:9

Lord God, iara mei ka iagho mala reireghi fakeli ghau. Fakarhi ghau iara sagho ka khamedi nogu naoka gre.

Nodi Khoje Hatimare Mae Jiu 38:19

Nogu naoka iara gre mare theome fogradi e thono heta ghedi fabrahu. Kmana mae fara te tirodi ghau iara na, nu mare theo nafudi kolho eghu.