Nodi Khoje Hatimare Mae Jiu 119:53 - Buka Blahi Ka Cheke Holo53 Iara ne thono diꞌatagu fara kate filodi iara naikno te diꞌa te theome leghudi nou cheke iagho re. Gade chapit la |
Nodi Khoje Hatimare Mae Jiu 119:53
15 Referans Kwoze
Iara chekeni igne ka ghotilo, naugna kmana naikno chekeni koba ne fatutuani ni mae Kraes teuna, nu theome tutuani eghu, naugna nakarhadire thono diꞌa fara ngala. Iara neke chekehi ka ghotilo eidi naikno igre tifeiro. Eghuteuna iara gognaro na nake chekei ngala ka ghotilo balu tanhi eidi naikno igre, naugna mare naoka eigna gaju fafatha nogna Kraes.
Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.
Aonu mae Esra kegra haghe ka vido ke kosigna grengathagna nogna Sugablahi God na ne tei ruma lamna ka nogna chogho mae Jehohanan thugna mae Eliasib. Kate au teu mana ka vido igne, mana ne theome ghamu nei theome koꞌuni kaisei glepo, naugna mana ne diꞌanagnafagna nei tanhidi neu puhi te edi iheire naikno teke pulo mei funudi Babilonia.
Iara nanga nogu fara te mala ari posa ka ghotilo na, naugna theome keli glepo teke edi tifa ra jaola teke edi ghotilo ginauna. Jame te eghu na, God ginauna te famamaja ghau iara eigna unha teke eni ghotilo. Iara ginauna diꞌanagnafagu fara eidi naikno kmana te tapla jafra ka nakhibo teke edi la tifa ra. Tutuani iara ginauna jaola diꞌanagnafagu naugna mare ne tirodi tughu nagnafa ka puhi te gnognoro, eni puhi te diꞌa, nei keha glepo te famamaja ikno.
Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.
Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.
Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.
“Nu jame te theome leghudi mare nogu vetula iara re, nei theome leghudi puhigu iara re teuna, iara na thofno paradi fara ngala mare, naugna mare ne tapla jafra ka nakhibo. Eghuteuna jame te huhughuni mare u vetula te farirhiudi iara mare igne na, nei jaola theome edi mare unha mala edi mare teku iara na, iara ginauna na paradi fara ngala mare eidi nakhibo teke edi mare re.
Piblisite