Nodi Khoje Hatimare Mae Jiu 119:51 - Buka Blahi Ka Cheke Holo

⁵¹ Naikno te fahaehaghe igre mare maꞌe ghau iara nu iara theome ghatho ihodi nou famane farirhiu iagho re.

Nodi Khoje Hatimare Mae Jiu 119:51 Referans Kwoze

Thoutonu Eigna Mae Job 23:11

Leuleghu fata na, iara ghatho tahuni mana, eghuteuna iara leghudi puhigna mana re. Iara theome tei kokoni mana mala leghuni kaisei nabrou delei.

Profet Jeremaea 20:7

Lord, iara loku leghudi unha te chekedi iagho ra, nu iagho chaghi ghau iara kolho. Iagho nheta ulu ghau iara, eghuteuna nou nolaghi iagho na ulu ghauhi iara. Leuleghu fata na naiknore maꞌe ghau iara balu tibri.

Nodi Khoje Hatimare Mae Jiu 119:157

Hatimare mae naoka te fakokhoana ghau iara igre la ghilei kmana fara, nu iara theome gnafa te leghuni kolho nou farirhiu iagho na.

Nodi Khoje Hatimare Mae Jiu 44:18

Ghehati theome tei koko nigho, nu ghehati leghu nigho iagho fabrahu kolho.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Profet Isaia 38:3

“Lord, ghatho ghau. Iara loku ranghi nigho ka nogu nolaghi fateote'o nei ka gaoghathogu fateote'o, eghuteuna iara fariuriu fara te mala edi gobigna lepo te magnahaghedi iagho re.” Eghuteuna kate tore te gnafa na, mana ne funu tanhi fabiꞌo naugna mana ne diꞌanagnafa fara.

Nodi Khoje Hatimare Mae Jiu 119:69

Naikno te fahaehaghe fara igre toutonu chaichaghi eigu iara, nu ka gaoghathogu fateote'o iara na, iara leghudi fabrahu kolho nou famane cheke iagho ra.

Nodi Khoje Hatimare Mae Jiu 119:31

Lord God, thosei snakredi naikno gre mala famamaja ghau iara, naugna iara leghudi koba nou farirhiu iagho ra.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.