Nodi Khoje Hatimare Mae Jiu 119:22 - Buka Blahi Ka Cheke Holo

²² Thosei snakredi sagho naikno te diꞌa puhidire are mala maꞌe ghau nei cheke fadiꞌa ghau eghu iara, naugna iara ne leghudi koba nou farirhiu iagho re.

Nodi Khoje Hatimare Mae Jiu 119:22 Referans Kwoze

Nodi Khoje Hatimare Mae Jiu 119:39

Fakarha ghau iara sagho ka nafnata cheke te diꞌa te edi iheire te magnahaghei te tapla fapari ghau iara igre. Naugna te keli na iagho paradi naikno te edi puhi te diꞌa tuare.

Nodi Khoje Hatimare Mae Jiu 39:8

Hata fapulo ghau nei hata kokodi eghu nakhibogu gre. Thosei snakredi naikno te fameomekro are mala maꞌe ghau iara.

Ululahu Pita 2:20

Nu jame te para ghami mare eigna najafra teke eni ghotilo na, neubane kegra maku ghotilo ka narane tuana, tuana theo nafugna kolho. Nu jame te para ghami mare neubane eidi ngala ghotilo glepo te kelire, eghuteuna kegra heta ghotilo tagna teuna, God ginauna na fablahi ghami ghotilo eigna igne.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Nodi Khoje Hatimare Mae Jiu 119:42

Aonu iara ginauna tangomana te cheke tughudi iheire te cheke diꞌa ranghi ghau iara ra, naugna iara ne rouronudi nou cheke iagho re.

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Nodi Khoje Hatimare Mae Jiu 37:6

Eghume naikno te gnafare ginauna filoni puhimu jateula glepo te au ka vido te snagla fara na. Tutuani fara, puhimu te doglore ginauna theome poru.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Samuel 25:10

Nu mae Nabal ne cheke eghu ka mare, “Mae ihei si mae Devet gnea? Mae ihei si thugna Jesi gnea? Ginei na namono igne neke fodu ka naikno sneka. Kmana rikhani nodi funei na!