Nodi Khoje Hatimare Mae Jiu 119:154 - Buka Blahi Ka Cheke Holo

¹⁵⁴ Togho ghau nei fakarhi ghau eghu iara sagho mala snagla nogu iara. Uve, fakarhi ghau iara sagho leghuni nou nhaꞌa cheke na.

Nodi Khoje Hatimare Mae Jiu 119:154 Referans Kwoze

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Profet Jeremaea 50:34

Nu God mae ihei te mala atha fajifladi mare na thono nheta fara. Nanghagna mana na Lord, mae ihei te au nolaghi fateote'o. Mana ginauna toghodi mare, eghuteuna mana na tapla faparidi hatimare mae naoka. Eghuteuna mana ginauna toghodi nogna naiknore mala au ka pharikeli ka nodi thofno namono na. Nu iara ginauna eꞌei puhi biꞌo mala thokedi naiknodi Babilonia.”

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Profet Jeremaea 11:20

“Lord, iagho mae ihei te au nolaghi fateote'o! Kaisei iagho ngala te tangomana te fateni naikno na ka puhi te doglo. Iara lisa ari ka khamemu iagho puhi te diꞌa te eni fabrahu mare ka iara igne. Eghuteuna iara magnahaghei te filoni unha nate tughu fapulo iagho ka mare puhi te diꞌa teke eni mare ka iara igne.”

Nodi Khoje Hatimare Mae Jiu 119:40

Iara magnahaghei fara te leghudi nou famane cheke iagho re! Iara lase nigho iagho edi koba unha te doglo, eghume iara tore nigho mala tusu mei nakarha majaghani ka iara.

Nodi Khoje Hatimare Mae Jiu 119:25

Lord God, iara gne la namo lehehi, mei fakarhi ghau, jateula teke kulu nhaꞌa chekehi iagho ia eghu.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Proveb 22:23

Naugna Lord ginauna toghodi mare, eghuteuna ginauna goigonini ihei te goigonidi mare na.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Thoutonu Eigna Mae Job 5:8

“Iara jame nogu iagho meuna, iara ginauna figri ka God. Eghuteuna iara na chekedi nogu puhi biꞌo re ka mana.

Ululahu Samuel 24:16

Kate cheke te gnafa mae Devet cheke igre, mae Sol ne cheke eghu, “Thuguo Devet, naoglamu iagho site nomhini iara ignea?” Aonu mana ne tanhi fabiꞌo fara.

Nodi Khoje Hatimare Mae Jiu 35:23

Nogu Lord, kegra haghe mei togho ghau iara. Nogu God, kegra haghe mei cheke ka mare eigu iara.

Nodi Khoje Hatimare Mae Jiu 119:38

Tajini sagho nhaꞌa cheke teke eni iagho ka iara nou mae gloku gne. U nhaꞌa cheke igne iagho neke eni maladi iheire te leghu nigho re.