Nodi Khoje Hatimare Mae Jiu 119:110 - Buka Blahi Ka Cheke Holo

¹¹⁰ Naikno te diꞌa puhidi gre lilisei kaisei phighoro malagu iara, nu iara theome figri tagrudi nou vetula iagho re.

Nodi Khoje Hatimare Mae Jiu 119:110 Referans Kwoze

Nodi Khoje Hatimare Mae Jiu 141:9

Baubatu fakeli ghau ka nodi phighoro naikno te diꞌa puhidi gre.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 119:95

Naikno te diꞌa igre ofou kolho te mala falehe ghau iara na, nu iara gaoghatho heta kolho ka nou famane farirhiu iagho ra.

Nodi Khoje Hatimare Mae Jiu 119:85

Naikno te fahaehaghe fara te tirodi leghudi nou famane farirhiu iagho na igre, fariuriu fara te mala leghudi iara puhidi te diꞌare.

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Profet Jeremaea 18:22

Lisa lao mala diꞌanagnafa nei tanhi fabiꞌo eghu mare kate kuru mei iagho mae te diꞌare mala ghosei mei goigonidi mare. Eni igne sagho naugna mare neke dokha khora malagu iara, eghuteuna mare eni phighoro mala khale iara.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Nodi Khoje Hatimare Mae Jiu 119:87

Mare namo falehe ghau iara kolho, nu iara leghudi kolho nou famane cheke iagho ra eghu.

Nodi Khoje Hatimare Mae Jiu 119:51

Naikno te fahaehaghe igre mare maꞌe ghau iara nu iara theome ghatho ihodi nou famane farirhiu iagho re.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Nodi Khoje Hatimare Mae Jiu 38:13

Iara jateula mae te meglira eghu theome nomhidi mare. Iara jateula mae te iho chekera eghu theome gagri kaisei cheke.

Nodi Khoje Hatimare Mae Jiu 57:7

God, iara maku fabrahu gaoghathogu na ka iagho. Uve, iara gaoghathogu na thono heta fara ka iagho. Eghuteuna iara ginauna na koje mala pala hagheni nanghamu iagho na.