Nodi Khoje Hatimare Mae Jiu 119:108 - Buka Blahi Ka Cheke Holo

¹⁰⁸ Lord, farirhiu fakeli ghau chekemu na, mala cheke fakelini iara nanghamu iagho na. Igne kaisei fafara te keli tamuni iagho na.

Nodi Khoje Hatimare Mae Jiu 119:108 Referans Kwoze

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Nodi Khoje Hatimare Mae Jiu 119:12

Lord God, iara cheke fakeli nigho. Farirhiu ghau iara sagho nou vetulare.

Nodi Khoje Hatimare Mae Jiu 119:169

Lord God, fanomho mei sagho ka nogu tharai iara gre. Tusu mei glalase ka iara jateula teke nhaꞌa chekeni iagho ia eghu.

Naba 29:39

“Eghume tuare ngala bukrei fafara te mala fafara mei ka iara Lord ka nomi gaghamu ghotilo re. Ka fafara tuare, ghotilo ginau ke edi ngala keha nafnata fafara kate edi ghotilo re, naugna ghotilo neke eni kaisei nhaꞌa cheke, ba fafara unha te magnahaghedi ghotilo re, ba fafara te gahu te knotho, ba fafara wit nei waen, ba fafara mala faglaglanagna te au fakeli ghotilo balugu iara Lord na.”

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Nodi Khoje Hatimare Mae Jiu 119:26

Farirhiu ghau nou vetula iagho ra, naugna iara neke toutonudihi gobigna lepo teke edi iagho ra, eghuteuna iagho cheke tughu ghau iara.

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.

Nodi Khoje Hatimare Mae Jiu 27:6

Eghume iara ginauna na tapla ke klignadi hatimare mae naoka te mei bara falithui ghau re. Iara ginauna na fafara ka sugagna Lord na balu eha glealeꞌa. Iara ginauna koje mala pala hagheni nanghagna mana na.