Nodi Khoje Hatimare Mae Jiu 119:101 - Buka Blahi Ka Cheke Holo

¹⁰¹ Iara theome magnahaghei te leghuni puhi te diꞌa na naugna iara magnahaghei te leghuni kolho chekemu iagho na.

Nodi Khoje Hatimare Mae Jiu 119:101 Referans Kwoze

Proveb 1:15

Thuguo, au fadelei ka naikno tuare, iagho thosei tei baludi.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Nodi Khoje Hatimare Mae Jiu 18:23

Mana laseni te theome eni iara kaisei najafra na. Iara fiofilo fakelini nathaplagu na, glahula eni iara kaisei najafra.

Profet Jeremaea 2:36

Naugna unha si ghotilo te tei tafri te leghudi nodi god keha kantri delei igrea, ba mala togho ghami mare? Hatimare mae Ijep ginauna na theome togho ghami ghotilo jateula hatimare mae Asiria teke theome togho ghami ghotilora eghu.

Nodi Khoje Hatimare Mae Jiu 119:126

Lord God, igne hila nou narane iagho te mala eni iagho unha te magnahaghei na, naugna naikno gre tirodi leghudi nou famane farirhiu iagho re.

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.