Nodi Khoje Hatimare Mae Jiu 118:13 - Buka Blahi Ka Cheke Holo

¹³ Kate heta ghedi fara mare ka magra na, iara ne namo nigrahi, nu Lord neke togho ghau iara.

Nodi Khoje Hatimare Mae Jiu 118:13 Referans Kwoze

Nodi Khoje Hatimare Mae Jiu 140:4

Lord God, baubatu fadelei ghau iara sagho ka naikno te diꞌa gre. Taji fakeli ghau ka iheire te khuru magra te roghe mala falehe ghau iara teu are.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Profet Maeka 7:8

Neuba tahati ne uka pari, nu noda naoka tahati gre theome tangomana te glealeꞌa kolho ka puhi biꞌo igne. Tahati uka pari, nu tahati ginauna nake kegra haghe. Neuba tahati ne gnokro kate romno, nu Lord thegna ginauna noda naphae tahati.

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Nodi Khoje Hatimare Mae Jiu 129:2

Funu ka narane tuana te mei posa gognaro gne, hatimare mae naoka gre ngolhi ghita nei goigoni ghita eghu tahati, nu mare theome tangomana te ulu ghita tahati na eghu.