Nodi Khoje Hatimare Mae Jiu 108:7 - Buka Blahi Ka Cheke Holo

⁷ God au neu ka nogna Sugablahi na ne cheke eghu, “Kate uluni iara magra na, iara ginauna fofota Sekem gne nei glogu Sukot gne eghu ka nogu naiknore.

Nodi Khoje Hatimare Mae Jiu 108:7 Referans Kwoze

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Profet Emos 4:2

Lord mae ihei te thofno blahi fara igne, mana neke nhaꞌa cheke eghu, “Tutuani fara, kaisei Narane biꞌo ginauna mei. Ka narane igne, mae naokare ginauna mei korho ghami ghotilo jateula sasa te korho ka thagho ra eghu tei.

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Josua 20:7

Aonu naiknodi Israel igre ne vahidi thilo namono mala poru ke mosu Khoꞌu biꞌo Jordan. Nanghadi re Kedes jare Galili te au ka thogele ka nogna rijon Naftali, nei Sekem te au ka thogele ka nogna rijon Efrem, eghuteuna Hebron te au ka thogele ka nohi Juda.

Josua 17:7

Nodi rijon vikegna Manase igre funu ka nodi nohi vikegna Asa tei posani namono Mikmetat ke maghati namono Sekem. Nohi igne tei ke mata glokha khoꞌu rhegna namono Tapua, nei nodi glose mare te au ka rijon tuana.

Jenesis 33:17

Nu mae Jekop neke tei Sakot. Jare mana ne hohoro kaisei suga tapuale malagna thegna, nei keha suga ikodi eghu maladi nogna buluka re, naugna igne mana ne kiloni namono igne Sakot. Nangha igne gaoghathogna na “grorofe” eghu.

Nodi Khoje Hatimare Mae Jiu 60:7

Namono Gilead gne nogu iara, eghuteuna namono Manase gne jaola nogu iara. Efrem gne namono mala audi nogu mae soldia iara re, eghuteuna nogu mae king iara re ginauna mei ka nohi Juda.