Nodi Khoje Hatimare Mae Jiu 104:4 - Buka Blahi Ka Cheke Holo

⁴ Iagho eꞌei nuri na mala jateula nou engel eghu te mala athadi nou chekere, nei eꞌei fila na mala jateula nou mae gloku eghu.

Nodi Khoje Hatimare Mae Jiu 104:4 Referans Kwoze

Hibru 1:7

Igne unha teke chekeni God eidi hatimare mae engel, “God neke hohoro nogna engel re mala jateula nuri, nei nogna mae glokure jateula deudeplu khaꞌaghi.”

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Fapea Kings 6:17

Eghuteuna mana ne tarai eghu, “Lord, tothora tathagna mana re mala filoni mana nou nolaghi iagho na.” Aonu Lord ne tothora tathagna mae gloku igne. Mana ne filoni thogele te au phiamare igne ne fodu ka hose nei chariot eghu ne jateula khaꞌaghi neu filodire. Mare ikotongana faligohoni mae Elisa.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Nodi Khoje Hatimare Mae Jiu 148:8

Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Profet Esikiel 1:13

Glepo te karha igre phae jateula sisibe khaꞌaghi te deudeplu fabiꞌo ra eghu. Kaisei glepo na jateula khaꞌaghi eghu deudeplu fabiꞌo tugha tafri fari hoteidi glepo te karha igre. Khaꞌaghi igne sridi haghe jateula nakafli eghu.

Mae Khuru 23:8

Mae Sadiusi gre te fatutuani ni na, ke leghugna glehe na naiknore theome tangomana teke karha fapulo na, nei jare na theo la kaisei engel ba kaisei tharunga. Nu mae Farasi gre mare kafe fatutuanidi thilo glepo igre.

Profet Sekaraea 6:5

Mana ne cheke eghu, “Gaoghathogna na, igre fati nuridi kligna te jifla mei funu ka Lord mae ihei te mae Funei gna nauthoglu igne.