Nodi Khoje Hatimare Mae Jiu 104:13 - Buka Blahi Ka Cheke Holo

¹³ Iagho kuru mei nakhete funu kligna mala soru mei ke kligna thogele mala fakeligna glose na mala karha gobigna lepo teke vuavuha iagho re.

Nodi Khoje Hatimare Mae Jiu 104:13 Referans Kwoze

Nodi Khoje Hatimare Mae Jiu 147:8

Mana lilisei gromno ka maloa, aonu mana kuru mei nakhete ka nauthoglu igne mala teku haghe buburu ke kligna thogele.

Profet Jeremaea 10:13

Kate cheke mana na, naoglagna mana igne poha jateula fila eghu, eghuteuna khoꞌu ka maloa na soru poha fabiꞌo. Mana cheke ranghini khoveo na mala mei funu ka keha phile nauthoglu na. Mana cheke ranghini nakafli na mala phae ka nakhete biꞌo na, eghuteuna mana cheke ranghini nuri na mala jifla mei ka vido teke augna na.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Diutronomi 11:11

Nu glose nate tei kasa ghotilo ka Khoꞌu biꞌo Jordan te hata igne, au gukhu nei glogu, eghuteuna leuleghu fata na nakhete fabrahu mala karha gano.

Thoutonu Eigna Mae Job 38:37

Ihei te lalase te mala kaha khoveo ka maloa gne? Ihei gne te tangomana ni te tofa soru nakhete te mala bothu glose te khapra te maku fara na?

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Profet Emos 9:6

Lord eni nogna namono na kligna tei thoke ka maloa ro, eghuteuna eni kaisei vatara biꞌo ke kligna gna nauthoglu igne. Mana au nolaghi te mala eni khoꞌu na te mala haghe kligna ka maloa na, eghuteuna ke soru mei pari ka nauthoglu igne jateula khoꞌu eghu ke kligna glose te moja na. Uve, nanghagna mana na, Lord!

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.