Nodi Khoje Hatimare Mae Jiu 102:4 - Buka Blahi Ka Cheke Holo

⁴ Thinigu iara na la gagaro fara la ghilei nhubragna kolho, jateula buburu tela goꞌehira eghu. Iara la ghilei tirogu imahi gognaro na.

Nodi Khoje Hatimare Mae Jiu 102:4 Referans Kwoze

Profet Isaia 40:7

Buburu na gnhagha kolho, eghuteuna chechenge na khoko pari, naugna Lord neke eni nuri na mala ghaghafa mei. Eghume naikno na jateula buburu eghu, theome au raugha.

Nodi Khoje Hatimare Mae Jiu 37:2

Theome raughau mare ginauna brango jateula u buburu eghu kolho. Mare ginauna lehe jateula gaju ikodi te lehe ka nhigra te ahora eghu.

Nodi Khoje Hatimare Mae Jiu 77:3

Kate ghatho laoni iara God na iara ne tanhi, eghuteuna gaoghathogu iara na ne thono glaꞌe fara.

Esra 10:6

Aonu mae Esra kegra haghe ka vido ke kosigna grengathagna nogna Sugablahi God na ne tei ruma lamna ka nogna chogho mae Jehohanan thugna mae Eliasib. Kate au teu mana ka vido igne, mana ne theome ghamu nei theome koꞌuni kaisei glepo, naugna mana ne diꞌanagnafagna nei tanhidi neu puhi te edi iheire naikno teke pulo mei funudi Babilonia.

Mae Khuru 9:9

Thilo narane mae Sol ne theome tangomana te fifilo na, nei mana theome ghamu ba koꞌu.

Lamentations 3:20

Uve, leuleghu fata na iara ghathoni glepo igne, thono diꞌanagnafagu fara.

Lamentations 3:13

Jata te fadi ghau iara na ne churu ka nagnafagu iara na.

Nodi Khoje Hatimare Mae Jiu 102:11

Iara karhau katha vido kmoꞌei kolho, jateula naungo te namo dofini fei grafi ra eghu kolho. Uve, iara gne jateula buburu tela brangohira eghu kolho.

Nodi Khoje Hatimare Mae Jiu 102:9

Naugna iagho thono diꞌatamu fara ka iara, iagho koko fadelei ghau iara jateula chara eghu kolho. Diꞌanagnafa iara te biꞌo fara na jateula ghegu gano eghu iara, eghuteuna kholodi tathagu gre jateula ghegu khoꞌu eghu iara.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Nodi Khoje Hatimare Mae Jiu 42:6

Ka vido te au teu iara ke kosigna nogu kantri na, iara gaoghathogu na thono diꞌa fara, eghume gaoghathogu na iara ke ghatho fapulo nigho. Uve, iara ghatho nigho naugna iagho neke togho ghami fabrahu ka namono Israel, ka vido aheva te au Khoꞌu biꞌo Jordan, nei phei Thogele Hemon ghe Misa. Nu gognaro na puhi biꞌo thoke ghau iara jateula galo fari hotei nhorora eghu. Puhi biꞌo igre mei jateula nabritha te mei te knoho iara ra eghu. Tutuani fara, puhi igre mei jateula khoꞌu te jaja soru te oa'ongha fabiꞌo ra eghu, ba jateula fila teura eghu.

Thoutonu Eigna Mae Job 33:20

Kmana fata, mae ihei te fogra na mana tirogna ghamu, eghuteuna neubane famane gano filo diꞌa kolho ka tathagna mana na.

Thoutonu Eigna Mae Job 10:1

“Iara hongo ghau ka nakarhagu na. Eghume iara ginauna cheke fajiflani gaoghathogu na. Iara ginauna cheke fajiflani puhi te thofno diꞌanagnafani iara na.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Fapea Samuel 12:17

Goro mae biꞌo te au ka suga mana na, mare mei fariu riu fakegra hagheni mana, nu mana ne tirogna fara. Eghuteuna mana jaola ne tirogna te ghamu baludi mare na.

Thoutonu Eigna Mae Job 30:30

Thinigu na brana fara ka fagrutu. Eghuteuna guligu iara na jateula te thunu ka naprai ra lau.